सोन्या-चांदीच्या दराचा नवा उच्चांक, चांदीच्या दरात ७,२१४ रुपयांची वाढ; सोन्याच्या दरातही जोरदार तेजी

Gold Silver Rate Today 22nd December: सराफा बाजारात आज सोने आणि चांदीच्या भावांनी एक नवीन उच्चांक गाठला आहे. या दोन्ही मौल्यवान धातूंच्या किमती 'ऑल टाइम हाय'वर पोहोचल्यात. चांदीच्या भावात ७,२१४ रुपये प्रति किलोची मोठी वाढ झाली आहे, तर सोन्याच्या भावात १,१९० रुपयांची वाढ झाली आहे. जीएसटीसह चांदी आता २,१३,७७६ रुपये प्रति किलोवर पोहोचली आहे. तसेच, २४ कॅरेट सोन्याचा दर जीएसटीसह १,३७,५९१ रुपये प्रति १० ग्रॅम झाला आहे.

मागील सत्राच्या तुलनेत मोठी वाढ

शुक्रवारी चांदीचा दर जीएसटीशिवाय २,००,३३६ रुपये प्रति किलो आणि सोनं जीएसटीशिवाय १,३२,३९४ रुपये प्रति १० ग्रॅमवर बंद झालं होतं. आज बाजारात सोनं जीएसटीशिवाय १,३३,५८४ रुपयांच्या ऐतिहासिक उच्चांकावर उघडलं. दुसरीकडे, चांदी जीएसटीशिवाय २,०७,५५० रुपये प्रति किलो दरानं उघडली. या वर्षात आतापर्यंत सोन्याच्या दरात ५७,८४४ रुपयांची तर चांदीच्या दरात १,२१,५३३ रुपयांची प्रचंड वाढ झाली आहे. हे दर आयबीजेएद्वारे (IBJA) जाहीर करण्यात आले आहेत, ही संस्था दिवसातून दोनदा (दुपारी १२ आणि संध्याकाळी ५ च्या सुमारास) दर प्रसिद्ध करते.

आता मनमानी चालणार नाही! रुग्णालयांना आधीच सांगावा लागणार आयसीयू-व्हेंटिलेटरचा खर्च; 'यांची' मंजुरीही आवश्यक

कॅरेटनुसार सोन्याचे नवीन दर

आज २३ कॅरेट सोन्याचे दर १,१८५ रुपयांनी वधारून १,३३,०४९ रुपये प्रति १० ग्रॅमवर उघडले. जीएसटीसह याची किंमत १,३७,०४० रुपये झाली असून यात अद्याप मेकिंग चार्ज जोडलेला नाही. २२ कॅरेट सोन्याची किंमत १,०९० रुपयांच्या वाढीसह १,२२,३६३ रुपये प्रति १० ग्रॅमवर पोहोचली असून जीएसटीसह हा दर १,२६,०३३ रुपये आहे.

१८ आणि १४ कॅरेट सोन्याच्या किमती

१८ कॅरेट सोन्यामध्ये ८९२ रुपयांची तेजी दिसून आली असून त्याचा दर १,००,१८८ रुपये प्रति १० ग्रॅमवर पोहोचला आहे, तर जीएसटीसह ही किंमत १,०३,१९३ रुपये झाली आहे. १४ कॅरेट सोन्याचा दर देखील ६९० रुपयांनी वधारला असून तो आज ७८,१४१ रुपयांवर उघडला आणि जीएसटीसह याची किंमत ८०,४८५ रुपये प्रति १० ग्रॅम झाली आहे.