SIP in Mutual Fund : म्युच्युअल फंडांमध्ये गुंतवणूक सुरू करण्यासाठी सिस्टिमॅटिक इन्व्हेस्टमेंट प्लॅन म्हणजेच एसआयपी हा एक सुरक्षित मार्ग आहे. गेल्या काही महिन्यांपासून शेअर बाजार घसरत असतानाही म्युच्युअल फंडातील गुंतवणुकीचा ओघ कायम होता. यावरुन याची लोकप्रियता लक्षात येते. एसआयपीच्या माध्यमातून लहान गुंतवणूक करुनही कोट्यवधी रुपयांचा फंड जमा करणे शक्य आहे. पण, एसआयपीमध्ये गुंतवणूक करताना अनेक लोक महत्त्वाच्या गोष्टींकडे दुर्लक्ष करतात. याची कारणे वेगवेगळी असली तरी, सर्वात सामान्य कारण म्हणजे माहितीचा अभाव. एसआयपीद्वारे गुंतवणूक करताना कोणत्या सामान्य चुका टाळाव्यात ते आपण पाहू.
चुकीची गुंतवणूकबहुतेक लोक अगदी कमी गुंतवणुकीपासून सुरुवात करतात. सुरुवातीसाठी हे ठीक आहे. पण, काळाप्रमाणे तुमची गुंतवणूक रक्कम वाढवणे आवश्यक आहे. अन्यथा मोठं आर्थिक उद्दीष्ट गाठता येणार नाही. दुसरीकडे, काही लोक असेही आहेत. ते सुरुवातीलच मोठी गुंतवणूक करतात. या दोन्ही गोष्टी गुंतवणुकीच्या दृष्टीकोनातून चुकीच्या आहेत. प्रथम फंडाच्या कामगिरीच्या नोंदीबद्दल खात्री करणे महत्वाचे आहे.
चुकीचा फंड निवडणेफंडात गुंतवणूक करण्यापूर्वी, लोकांना त्यांची आर्थिक उद्दिष्टे स्पष्ट करण्याचा आणि ते किती जोखीम घेण्यास तयार आहेत हे ठरवण्याचा सल्ला दिला जातो. तुमच्या गरजांसाठी कोणत्या प्रकारचा फंड सर्वात योग्य आहे हे ठरविण्यास हे तुम्हाला मदत करते. जर तुम्ही चुकीच्या फंडात गुंतवणूक केली तर एसआयपी तुम्हाला तुमच्या उद्दिष्टांनुसार अपेक्षित परतावा देऊ शकत नाही.
दीर्घ मुदतीसाठी गुंतवणूक न करणेएसआयपीमधून चांगला नफा मिळाल्यानंतर अनेक गुंतवणूकदार त्यांची गुंतवणूक काढून घेतात. गुंतवणूकदारांना हे लक्षात येत नाही की त्यांच्या एसआयपीचे मूल्य गुंतवणुकीच्या कालावधीवर देखील अवलंबून असते. म्हणून, दीर्घकाळासाठी त्यात असणे अर्थपूर्ण आहे. एसआयपीमध्ये गुंतवणूक करण्याचा आदर्श मार्ग म्हणजे दीर्घकालीन गुंतवणूक.
वाचा - भारत-पाकिस्तान संघर्षाचा BCCI ला मोठा फटका; आठवड्यात ४२० कोटी रुपये पाण्यात जाणार?
गुंतवणूक रक्कम न वाढवणेकाळाप्रमाणे तुमचे उत्पन्न किंवा कमाई वाढत जाते. अशावेळी तुमच्या गुंतवणुकीची रक्कम वाढवणे शहाणपणाचे ठरते. जेव्हा तुम्हाला बोनस किंवा जास्त कमाई होते, तेव्हा तुम्ही तुमची गुंतवणूक वाढवण्यासाठी अतिरिक्त पैसे वापरू शकता. जर तुमच्याकडे एकरकमी रक्कम असेल आणि कोणत्याही आर्थिक आणीबाणीसाठी तुमच्याकडे काही अतिरिक्त पैसे जमा असतील, तर तुम्ही ही एकरकमी रक्कम तुमच्या मासिक एसआयपीसह तुमची गुंतवणूक वाढवण्यासाठी वापरू शकता.