Bank of Baroda Savings Scheme: सार्वजनिक क्षेत्रातील बँक ऑफ बडोदा आपल्या ग्राहकांना फिक्स्ड डिपॉझिटवर (FD) उत्तम व्याज देत आहे. तुम्ही बँक ऑफ बडोदामध्ये ७ दिवसांपासून १० वर्षांच्या कालावधीसाठी FD खातं उघडू शकता. ही सरकारी बँक आपल्या ग्राहकांना FD खात्यांवर ३.५० टक्के ते ७.२० टक्के व्याज देतेय. आज आपण बँक ऑफ बडोदाच्या अशाच एका FD योजनेबद्दल जाणून घेऊ, ज्यामध्ये २ लाख रुपये जमा करून ३०,२२८ रुपयांचे निश्चित व्याज मिळू शकतं.
४४४ दिवसांच्या एफडीवर सर्वाधिक व्याज
शेअर बाजार आणि म्युच्युअल फंडांची लोकप्रियता वाढत असली तरी लोक एफडीमध्येही गुंतवणूक करत आहेत. एफडी खात्यांच्या ग्राहकांना त्यांची संपूर्ण मूळ रक्कम निश्चित कालावधीनंतर निश्चित व्याजासह परत मिळते. सार्वजनिक क्षेत्रातील बँक ऑफ बडोदा ४४४ दिवसांच्या एफडीवर आपल्या ग्राहकांना सर्वाधिक व्याज देत आहे. ही सरकारी बँक ४४४ दिवसांच्या एफडीवर सामान्य नागरिकांना ६.६० टक्के, ज्येष्ठ नागरिकांना ७.१० टक्के आणि अति ज्येष्ठ नागरिकांना (८० वर्षांवरील लोक) ७.२० टक्के व्याज देत आहे. बँक ऑफ बडोदा २ वर्षांच्या एफडीवर सामान्य नागरिकांना ६.५० टक्के, ज्येष्ठ नागरिकांना ७.०० टक्के आणि अति ज्येष्ठ नागरिकांना ७.१० टक्के व्याज देत आहे.
₹३०,२२८ चे निश्चित व्याज
जर तुम्ही सामान्य नागरिक असाल म्हणजेच तुमचं वय ६० वर्षांपेक्षा कमी असेल आणि तुम्ही बँक ऑफ बडोदामध्ये २ वर्षांच्या एफडी योजनेत २,००,००० रुपये जमा केले असतील तर तुम्हाला मॅच्युरिटीवर एकूण २,२७,५२८ रुपये मिळतील, ज्यामध्ये २७,५२८ रुपयांचं निश्चित व्याज समाविष्ट आहे.
त्याचप्रमाणे, जर तुम्ही ज्येष्ठ नागरिक असाल म्हणजेच तुमचे वय ६० वर्षांपेक्षा जास्त असेल आणि तुम्ही बँक ऑफ बडोदामध्ये २,००,००० रुपये जमा केले असतील तर तुम्हाला मॅच्युरिटीवर एकूण २,२९,७७६ रुपये मिळतील, ज्यामध्ये २९,७७६ रुपयांचा निश्चित व्याज समाविष्ट आहे आणि जर तुम्ही अति ज्येष्ठ नागरिक असाल आणि तुम्ही बँक ऑफ बडोदामध्ये २ वर्षांच्या एफडी योजनेत २,००,००० रुपये जमा केले असतील तर तुम्हाला मॅच्युरिटीवर एकूण २,३०,२२८ रुपये मिळतील, ज्यामध्ये ३०,२२८ रुपयांचा निश्चित व्याज समाविष्ट आहे.
(टीप : यामध्ये सामान्य माहिती देण्यात आलेली आहे. हा गुंतवणुकीचा सल्ला नाही. कोणत्याही प्रकारची गुंतवणूक करण्यापूर्वी या क्षेत्रातील जाणकार किंवा तज्ज्ञांचा सल्ला घेणं आवश्यक आहे.)