Gold Silver Price 20 June: आज सोन्या-चांदीच्या किमतीत मोठे बदल दिसून येत आहेत. सराफा बाजारात सोनं ७५८ रुपयांनी स्वस्त होऊन ९८,५०३ वर उघडलं. तर चांदी १७९१ रुपयांनी घसरून १०५५९२ रुपये प्रति किलो झाली आहे. तीन दिवसांत चांदी सुमारे ४००० रुपयांनी स्वस्त झाली आहे. जीएसटीमुळे २४ कॅरेट सोने १०१४५८ रुपये प्रति १० ग्रॅम दरानं विकलं जात आहे, तर चांदी १०८७५९ रुपये प्रति किलो दराने विकली जात आहे.
२३ कॅरेट सोन्याचे दर काय?
आयबीजेएच्या दरांनुसार, २३ कॅरेट सोनंदेखील ७३७ रुपयांनी स्वस्त झालं आणि ते ९८,१०९ रुपये प्रति १० ग्रॅमवर उघडलं. त्याच वेळी, २२ कॅरेट सोन्याची सरासरी स्पॉट किंमत ६९४ रुपयांनी कमी झाली आणि ती ९०,२२९ रुपये प्रति १० ग्रॅमवर उघडली. १८ कॅरेट सोन्याची किंमत देखील ५६८ रुपयांनी स्वस्त झाली आणि ती ७३,८७८ रुपये प्रति १० ग्रॅमवर आली. तर, १४ कॅरेट सोन्याची किंमत ४४४ रुपयांनी कमी झाली आणि ती ५७,६२४ रुपयांवर आली. यामध्ये जीएसटी आणि मेकिंग चार्ज समाविष्ट नाही.
१ जुलैपासून बदलणार बँकिंगचे नियम, क्रेडिट कार्ड बिल पेमेंटमध्येही होणार बदल; जाणून घ्या माहिती
इंडिया बुलियन अँड ज्वेलर्स असोसिएशननं (IBJA) सोने आणि चांदीचे स्पॉट रेट जाहीर केले आहेत. यावर GST लागू नाही. तुमच्या शहरात १००० ते २००० रुपयांचा फरक असण्याची शक्यता आहे. IBJA दिवसातून दोनदा दर जाहीर करते. एकदा दुपारी १२ वाजता आणि दुसऱ्यांदा संध्याकाळी ५ वाजता जाहीर केले जातात.
सोन्याचं वर्चस्व
या वर्षी २०२५ मध्ये, सोन्यानं पुन्हा एकदा किमती वाढीच्या बाबतीत चांदीला मागे टाकले आहे. सराफा बाजारात, या वर्षी सोनं सुमारे २२,७६३ रुपयांनी आणि चांदी १९,५७५ रुपयांनी महाग झाली आहे. ३१ डिसेंबर २४ रोजी सोनं ७६,०४५ रुपये प्रति १० आणि चांदी ८५,६८० रुपये प्रति किलोनं उघडली. या दिवशी सोनं ७५,७४० रुपयांवर बंद झालं. चांदी देखील ८६,०१७ रुपये प्रति किलोवर बंद झाली.