गुंतवणूक ५ लाखांची, परतावा ७ लाखांचा! ज्येष्ठ नागरिकांसाठी बँक ऑफ बडोदाची एफडी ठरतेय 'सुपरहिट' | Bank of Baroda FD Rates 2026: Returns on ₹5 Lakh Investment for 5 Years

Bank of Baroda FD : शेअर बाजारातील अस्थिरतेच्या काळात आजही अनेक गुंतवणूकदार सुरक्षित आणि खात्रीशीर परताव्यासाठी मुदत ठेव योजनेला पसंती देतात. जर तुम्ही सुरक्षिततेसोबतच चांगल्या परताव्याच्या शोधात असाल, तर 'बँक ऑफ बडोदा'ची ५ वर्षांची एफडी योजना तुमच्यासाठी फायदेशीर ठरू शकते. विशेषतः ज्येष्ठ नागरिकांसाठी ही योजना अधिक लाभदायी आहे.

बँक ऑफ बडोदा: सध्याचे व्याजदरबँकेने वेगवेगळ्या वयोगटातील ग्राहकांसाठी आकर्षक व्याजदर निश्चित केले आहेत.सामान्य नागरिक : ६.३०% प्रति वर्ष.ज्येष्ठ नागरिक : ६.९०% प्रति वर्ष.अति ज्येष्ठ नागरिक : ७.००% प्रति वर्ष.(टीप: ३ वर्षांहून अधिक आणि ५ वर्षांपर्यंतच्या कालावधीसाठी हे दर लागू आहेत.)

५ लाखांच्या गुंतवणुकीवर किती मिळणार परतावा?बँक ऑफ बडोदामध्ये व्याजाची गणना 'त्रैमासिक चक्रवाढ' पद्धतीने केली जाते. म्हणजेच दर ३ महिन्यांनी तुमच्या मुदलात व्याज जमा होते.१. सामान्य नागरिक (व्याजदर ६.३०%):गुंतवणूक : ५,००,००० रुपयेमिळालेले एकूण व्याज : १,८३,४५० रुपयेमॅच्युरिटी रक्कम : ६,८३,४५० रुपये

२. ज्येष्ठ नागरिक (व्याजदर ६.९०%)मिळालेले एकूण व्याज : २,०३,९२१ रुपयेमॅच्युरिटी रक्कम : ७,०३,९२१ रुपये

३. अति ज्येष्ठ नागरिक (व्याजदर ७.००%):मिळालेले एकूण व्याज : २,०७,३८९ रुपयेमॅच्युरिटी रक्कम : ७,०७,३८९ रुपये

वाचा - करोडपती होण्याचा 'सुपर हिट' फॉर्म्युला! १०X१२X३० च्या जोरावर उभा करा ३ कोटींचा फंड; निवृत्तीचे नो टेन्शन

एफडी वरील व्याजावर 'कर' किती?

मुदत ठेवीतून मिळणारे उत्पन्न हे पूर्णपणे करमुक्त नसते. त्याबाबतचे नियम खालीलप्रमाणे आहेत.
इन्कम टॅक्स स्लॅब: एफडीमधून मिळणारे व्याज तुमच्या एकूण उत्पन्नात जोडले जाते आणि तुमच्या टॅक्स स्लॅबनुसार त्यावर कर आकारला जातो.
ज्येष्ठ नागरिकांना सवलत: 'कलम 80TTB' अंतर्गत ज्येष्ठ नागरिकांना मुदत ठेवींवरील ५०,००० रुपयांपर्यंतच्या व्याजावर कर सवलत मिळते (जुनी कर रचना निवडल्यास).
कलम 80C: ५ वर्षांच्या टॅक्स सेव्हर एफडीमध्ये गुंतवणूक केल्यास दीड लाख रुपयांपर्यंतच्या गुंतवणुकीवर वजावट मिळते.

English

हिंदी सारांश

Web Title : Bank of Baroda FD: High returns for senior citizens on deposits.

Web Summary : Bank of Baroda's fixed deposit scheme offers attractive returns, especially for senior citizens. Investments of ₹5 lakhs can yield up to ₹7 lakhs in five years, with higher interest rates for senior and super senior citizens. Tax benefits are also available.