बँक ऑफ बडोदाची विशेष मुदत ठेव योजना; ५ लाखांच्या गुंतवणुकीवर मिळवा २ लाखांहून अधिक व्याज!

Bank of Baroda : जर तुम्ही असे गुंतवणूकदार असाल ज्यांना जोखीम पत्करायची नाही आणि ज्यांना खात्रीशीर परतावा हवा आहे, तर मुदत ठेवींमध्ये गुंतवणूक करणे हा तुमच्यासाठी योग्य निर्णय ठरू शकतो.

Bank of Baroda :शेअर बाजारातील अनिश्चिततेच्या काळात सुरक्षित आणि खात्रीशीर परतावा देणारा गुंतवणूक पर्याय म्हणून 'फिक्स्ड डिपॉझिट'कडे पाहिले जाते. सार्वजनिक क्षेत्रातील दिग्गज बँक ऑफ बडोदा सध्या ५ वर्षांच्या एफडीवर आकर्षक व्याजदर देत आहे. जर तुम्ही ५ लाख रुपयांची गुंतवणूक ५ वर्षांसाठी केली, तर तुम्हाला व्याजापोटी २ लाख रुपयांहून अधिक नफा मिळू शकतो.

व्याजदरांचे सविस्तर गणितबँकेने वेगवेगळ्या वयोगटातील ग्राहकांसाठी व्याजाचे दर खालीलप्रमाणे निश्चित केले आहेत.

• सामान्य ग्राहक : ३ वर्षांहून अधिक आणि ५ वर्षांपर्यंतच्या एफडीवर ६.३०% व्याज.
• ज्येष्ठ नागरिक (६० वर्षांवरील) : या ग्राहकांसाठी ६.९०% व्याज दर लागू आहे.
• अति ज्येष्ठ नागरिक (८० वर्षांवरील) : या गटातील गुंतवणूकदारांना सर्वाधिक ७.००% व्याज दिले जात आहे.

५ लाखांच्या गुंतवणुकीवर किती परतावा मिळेल?

ग्राहक प्रवर्ग	गुंतवणुकीची रक्कम	५ वर्षांनंतरचे व्याज	एकूण मॅच्युरिटी रक्कम
सामान्य नागरिक	५,००,०००	१,८३,४५०	६,८३,४५०
ज्येष्ठ नागरिक	५,००,०००	२,०३,९२१	७,०३,९२१
अति ज्येष्ठ नागरिक	५,००,०००	२,०७,३८९	७,०७,३८९

एफडीमध्ये गुंतवणुकीचे फायदे

• खात्रीशीर परतावा: बाजारातील चढ-उतारांचा एफडीवर कोणताही परिणाम होत नाही, त्यामुळे तुमचा परतावा निश्चित असतो.
• सुरक्षित गुंतवणूक: सरकारी बँक असल्याने तुमचे भांडवल पूर्णपणे सुरक्षित राहते.
• ज्येष्ठ नागरिकांना झुकते माप: वयानुसार वाढीव व्याजदराचा लाभ मिळत असल्याने सेवानिवृत्त व्यक्तींसाठी हा उत्पन्नाचा उत्तम स्रोत आहे.

वाचा - आयटी वगळता सर्वत्र तेजी! टाटा स्टील आणि महिंद्राची दमदार कामगिरी; गुंतवणूकदारांनी कमावले ३ लाख कोटी

एफडीवर मिळणारे व्याज हे करपात्र असू शकते. त्यामुळे कर सवलतीसाठी तुम्ही ५ वर्षांची 'टॅक्स सेव्हर एफडी' देखील निवडू शकता, ज्यामध्ये ८०सी अंतर्गत वजावट मिळते.