Join us
Daily Top 2Weekly Top 5

निखिल कामथ यांनी शेअर केला मस्क सोबतचा टीझर; व्हिडीओ व्हायरल, मोदींपासून बिल गेट्सपर्यंत अनेकांचं केलंय पॉडकास्ट

By ऑनलाइन लोकमत | Updated: November 29, 2025 14:21 IST

Zerodha Nikhil Kamath: ऑनलाइन ट्रेडिंग ॲप झिरोदाचे संस्थापक निखिल कामथ यांनी जगातील सर्वात श्रीमंत व्यक्ती इलॉन मस्क यांच्यासोबत पॉडकास्ट केल्याची शक्यता वर्तवण्यात येत आहे.

Zerodha Nikhil Kamath: ऑनलाइन ट्रेडिंग ॲप झिरोदाचे (Zerodha) संस्थापक निखिल कामथ यांनी जगातील सर्वात श्रीमंत व्यक्ती इलॉन मस्क (Elon Musk) यांच्यासोबत पॉडकास्ट केल्याची शक्यता वर्तवण्यात येत आहे. कामथ यांनी शुक्रवारी त्यांच्या 'X' हँडलवर व्हिडिओचा एक टीझर शेअर केला, ज्यामध्ये टेस्ला आणि स्पेसएक्सचे सीईओ इलॉन मस्क त्यांच्यासोबत दिसत आहेत.

३९ सेकंदांचा हा टीझर ब्लॅक अँड व्हाईट असून, यात मस्क आणि कामथ कॉफी पिताना आणि हसताना दिसत आहेत. व्हिडिओमध्ये मस्क आणि कामत अगदी सहजपणे बोलतानाही दिसताहेत, जे पॉडकास्टच्या अनौपचारिक शैलीशी जुळणारं आहे. सरकारी बँकांच्या 'मेगा' मर्जरची तयारी; देशात तयार होणार एक मोठी बँक४० लाखांहून अधिक व्ह्यूज

हा टीझर २८ नोव्हेंबर रोजी संध्याकाळी ७:३६ वाजता अपलोड करण्यात आला, तेव्हापासून तो ४० लाखांहून अधिक लोकांनी पाहिला आहे. चाहत्यांना हा टीझर खरा मानण्यास थोडा वेळ लागला, कारण काहींनी कमेंटमध्ये 'हे AI जनरेटेड आहे का?' असा प्रश्नही केला.

बिल गेट्स ते मोदींपर्यंत दिग्गजांची उपस्थिती

'WTF is?' पॉडकास्ट ही निखिल कामथ यांची कल्पना आहे. या पॉडकास्टमध्ये हाय-प्रोफाइल पाहुण्यांना आमंत्रित केलं जातं आणि तंत्रज्ञान, व्यवसाय, इनोव्हेशन यांसारख्या विषयांवर चर्चा केली जाते.

आतापर्यंत यात मायक्रोसॉफ्टचे संस्थापक बिल गेट्स, बायोटेक पायनियर किरण मुझुमदार-शॉ, बॉलीवूड स्टार रणबीर कपूर, इन्फोसिसचे सह-संस्थापक नंदन नीलेकणी, उद्योगपती कुमार मंगलम बिर्ला, पर्प्लेक्सिटी AI चे अरविंद श्रीनिवास आणि व्हेंचर कॅपिटलिस्ट विनोद खोसला यांसारखे दिग्गज सहभागी झाले आहेत.

२०२५ मध्ये पंतप्रधान नरेंद्र मोदी देखील या पॉडकास्टमध्ये आले होते, जिथे त्यांनी त्यांचं बालपण, जगाची समज आणि भारताचे तंत्रज्ञान यावर संवाद साधला होता.

मस्क यांच्याकडून 'टेक, स्पेस आणि बिझनेस'वर चर्चेची अपेक्षा

इलॉन मस्क यांचं पॉडकास्टमध्ये येणं भारतीय प्रेक्षकांसाठी विशेष आहे, कारण ते टेस्ला, स्पेसएक्स, xAI आणि X सारख्या जागतिक प्रकल्पांशी जोडलेले आहेत. लोकांना अपेक्षा आहे की या एपिसोडमध्ये अंतराळ संशोधन, AI, व्यवसायाची रणनीती आणि वैयक्तिक संघर्ष यावर चर्चा होईल. टीझरवरून असं वाटतं की चर्चा अनौपचारिक असेल, जे मस्क यांच्या शैलीशी जुळते. सध्या या पॉडकास्टच्या प्रदर्शनाची तारीख निश्चित झालेली नाही.

English
हिंदी सारांश
Web Title : Nikhil Kamath Teases Podcast with Elon Musk; Video Goes Viral

Web Summary : Zerodha's Nikhil Kamath hints at a podcast with Elon Musk in a viral teaser. The 'WTF is?' podcast previously featured Bill Gates and even Narendra Modi in 2025. Discussions are expected on tech, space, and business.
टॅग्स :व्यवसायएलन रीव्ह मस्क