Budget 2026 Expectations : सध्या सराफा बाजारात सोन्याच्या किमतींनी ऐतिहासिक पातळी गाठली असून, २४ कॅरेट सोन्याचा भाव १.५ ते १.६ लाख रुपयांच्या दरम्यान पोहोचला आहे. आंतरराष्ट्रीय बाजारात सोने ५ हजार डॉलर्स आणि चांदी १०० डॉलर्सच्या उंबरठ्यावर आहे. या दरवाढीचा थेट फटका सर्वसामान्यांच्या खिशाला बसत असल्याने, १ फेब्रुवारी रोजी सादर होणाऱ्या केंद्रीय अर्थसंकल्पातून सोन्यावरील आयात शुल्क आणि जीएसटीमध्ये सवलत मिळेल का, याकडे संपूर्ण देशाचे लक्ष लागले आहे.
सुवर्ण उद्योगाच्या ५ प्रमुख मागण्या१. आयात शुल्कात कपातवाढत्या महागाईमुळे सर्वसामान्यांची खरेदी क्षमता कमी झाली आहे. 'श्रृंगार हाऊस ऑफ मंगळसूत्र'चे एमडी चेतन थडेश्वर यांच्या मते, घरगुती वापराला चालना देण्यासाठी आयात शुल्काचे सरलीकरण करणे ही प्राथमिकता असायला हवी. यामुळे दागिने स्वस्त होऊन मॅन्युफॅक्चरिंग, रिटेल आणि रोजगाराला गती मिळेल.
२. जीएसटीमध्ये सवलतसध्या दागिन्यांवर ३ टक्के जीएसटी आकारला जातो. 'ऑल इंडिया जेम अँड ज्वेलरी डोमेस्टिक कौन्सिल'ने हा दर कमी करून १.२५% ते १.५% करण्याची मागणी केली आहे. यामुळे मध्यमवर्गीय आणि ग्रामीण भागातील ग्राहकांना मोठा दिलासा मिळेल.
३. सॉव्हरिन गोल्ड बाँड पुन्हा सुरू करागुंतवणूकदारांसाठी अत्यंत आकर्षक असलेली 'एसजीबी' योजना २०२४ मध्ये बंद करण्यात आली होती. मास्टर ट्रस्ट ग्रुपचे डायरेक्टर जशन अरोरा यांच्या मते, सोन्याला केवळ दागिना न मानता गुंतवणूक म्हणून प्रोत्साहन देणे आवश्यक आहे. वार्षिक २.५% व्याज आणि टॅक्स फायद्यामुळे ही योजना पुन्हा सुरू करण्याची मागणी होत आहे.
४. डिजिटल गोल्डला प्रोत्साहनघरात पडून असलेले सोने अर्थव्यवस्थेत आणण्यासाठी सरकारने 'डिजिटल गोल्ड'ला प्रोत्साहन द्यावे, असे तज्ज्ञांचे मत आहे. यासाठी जागरूकता मोहीम किंवा टॅक्समध्ये सूट दिल्यास देशाच्या अर्थव्यवस्थेला बळकटी मिळेल.
५. कर रचनेत स्थिरताकर नियमांत वारंवार होणाऱ्या बदलांमुळे किमती अचानक वाढतात, ज्याचा फटका ग्राहकांना बसतो. अर्थसंकल्पात अप्रत्यक्ष करांमध्ये स्थिरता राखल्यास दागिन्यांची मागणी वाढू शकते, असे तज्ज्ञांना वाटते.
वाचा - इंडिगोविरुद्ध सरकारने केली मोठी कारवाई, ७०० हून अधिक उड्डाणे रद्द
दरवाढीची प्रमुख जागतिक कारणे
- जागतिक तणाव : विविध देशांमधील भू-राजकीय तणावामुळे सोन्याकडे 'सेफ हेवन' म्हणून पाहिले जात आहे.
- ग्रीनलँड विवाद : ग्रीनलँडशी संबंधित आंतरराष्ट्रीय वादामुळे बाजार अस्थिर आहे.
- रुपयाची घसरण : डॉलरच्या तुलनेत रुपया कमकुवत झाल्याने सोन्याच्या किमतींवर परिणाम झाला आहे.
Web Summary : Gold prices soar. Industry demands lower import duties, GST on gold in upcoming budget to ease burden on consumers. Sovereign Gold Bonds revival sought.
Web Summary : सोने की कीमतें बढ़ीं। उद्योग की मांग है कि आगामी बजट में आयात शुल्क, जीएसटी कम हो ताकि उपभोक्ताओं पर बोझ कम हो। सॉवरेन गोल्ड बॉन्ड पुनर्जीवित करने की मांग।