विजय केडिया यांची मोठी गुंतवणूक, या स्मॉलकॅप स्टॉकवर लावला तगडा डाव; खरेदी केले १००००००० शेअर

हा शेअर बुधवारी बीएसईवर ४% पेक्षाही अधिक वधारला आणि ₹२७.८५ वर पोहोचला. 

प्रसिद्ध गुंतवणूकदार विजय केडिया, हे मल्टीबॅगर स्मॉलकॅप स्टॉक ओळखण्यासाठी प्रसिद्ध आहेत. आता त्यांनी शेअर बाजारातील 'पटेल इंजिनिअरिंग' कंपनीचे शेअर्स आपल्या पोर्टफोलिओमध्ये सामील केले आहेत. त्यांनी आपल्या 'केडिया सिक्युरिटीज प्रायव्हेट लिमिटेड' या गुंतवणूक संस्थेमार्फत कंपनीचे तब्बल १ कोटी शेअर्स खरेदी केले आहेत. या खरेदीमुळे कंपनीतील त्यांची भागीदारी १.०१ टक्क्यांवर पोहोचली असल्याचे इकॉनॉमिक टाईम्सने म्हटले आहे. हा शेअर बुधवारी बीएसईवर ४% पेक्षाही अधिक वधारला आणि ₹२७.८५ वर पोहोचला. 

गेल्या एका वर्षाचा विचार करता, हा शेअर ४२% पेक्षाही अधिक घसरला आहे. १४ जानेवारी २०२५ रोजी पटेल इंजिनिअरिंगचा शेअर ४७.६९ वर होते. तो आता ₹२७.८५ वर व्यवहार करत आहे. गेल्या सहा महिन्यांत पटेल इंजिनिअरिंगचे शेअर्स २८% ने घसरले आहेत. तसेच, गेल्या तीन महिन्यांत, नागरी बांधकाम उद्योगात असलेल्या या कंपनीच्या शेअर्समध्ये २३% घट झाली आहे. कंपनीचा ५२ आठवड्यांचा उच्चांक ₹५१.८६, तर नीचांक ₹२६.१६ एवढा आहे. काय करते कंपनी? -पटेल इंजिनिअरिंग पायाभूत सुविधा आणि बांधकाम क्षेत्रात काम करते. कंपनी, धरणे, बोगदे, जलविद्युत प्रकल्प, महामार्ग, पूल आणि रेल्वे तसेच रिअल इस्टेट विकासात कार्यरत आहे. गेल्या महिन्यातच, पटेल अभियांत्रिकीने अरुणाचल प्रदेश सरकारसोबत कराराची घोषणा केली. यानंतर्गत, वेस्ट कामेंग जिल्ह्यातील १४४ मेगावॅटच्या गोंगरी जलविद्युत प्रकल्पाच्या पुनर्संचयित आणि विकास करण्यात येईल. या प्रकल्पाचा एकूण खर्च १७०० कोटी रुपये असल्याचा अंदाज आहे, त्याचे बांधकाम सुमारे ४ वर्षांत पूर्ण होणे अपेक्षा आहे.