Upcoming IPO this Week : केंद्रीय अर्थसंकल्प २०२६ नंतर शेअर बाजारात मोठ्या हालचाली पाहायला मिळत आहेत. गुंतवणूकदारांसाठी हा आठवडा विशेष महत्त्वाचा ठरणार आहे, कारण लहान आणि मध्यम उद्योग (SME) विभागातील तीन नवीन कंपन्या आपले सार्वजनिक निर्गम घेऊन बाजारात उतरत आहेत. ग्रोव्हर ज्वेल्सपासून संपूर्ण फूड्सपर्यंत, विविध क्षेत्रांतील या कंपन्या सुमारे ९० कोटी रुपये उभे करणार आहेत.
१. ग्रोव्हर ज्वेल्समौल्यवान दागिन्यांच्या व्यवसायातील ही कंपनी भांडवल उभारणीसाठी सज्ज आहे.कालावधी : ४ फेब्रुवारी ते ६ फेब्रुवारी.किंमत : ८३ ते ८८ रुपये प्रति शेअर.लॉट साईज : १६०० शेअर्स (किमान गुंतवणूक: १,४०,८०० रुपये).उद्दिष्ट : सार्वजनिक इश्यूद्वारे ३३.८३ कोटी रुपये उभारणे.लिस्टिंग : ११ फेब्रुवारी रोजी NSE SME प्लॅटफॉर्मवर अपेक्षित.
२. बायोपोल केमिकल्सकेमिकल क्षेत्रातील या कंपनीचा आयपीओ आठवड्याच्या उत्तरार्धात खुला होईल.कालावधी : ६ फेब्रुवारी ते १० फेब्रुवारी.किंमत : १०२ ते १०८ रुपये प्रति शेअर.लॉट साईज : १२०० शेअर्स.उद्दिष्ट : ३१.२६ कोटी रुपये उभारण्याची योजना.लिस्टिंग : १३ फेब्रुवारी रोजी NSE SME प्लॅटफॉर्मवर होण्याची शक्यता.
३. एनएफपी संपूर्ण फूड्सफूड प्रोसेसिंग क्षेत्रातील ही कंपनी आपला आयपीओ घेऊन येत आहे.कालावधी : ४ फेब्रुवारी ते ६ फेब्रुवारी.किंमत : ५२ ते ५५ रुपये प्रति शेअर.लॉट साईज : २००० शेअर्स.उद्दिष्ट : २४.५३ कोटी रुपये जमा करण्याचा प्रयत्न.लिस्टिंग : ११ फेब्रुवारी रोजी NSE SME प्लॅटफॉर्मवर.
गुंतवणूकदारांसाठी महत्त्वाच्या टिप्सहे तिन्ही आयपीओ SME सेगमेंट मधील आहेत. मुख्य बोर्डाच्या आयपीओच्या तुलनेत यात जोखीम जास्त असते आणि लॉट साईज मोठी असल्याने गुंतवणूक करण्यासाठी लाखापेक्षा जास्त रक्कम आवश्यक असते. त्यामुळे गुंतवणूक करण्यापूर्वी कंपनीची आर्थिक स्थिती आणि रेड हियरिंग प्रॉस्पेक्टस (RHP) काळजीपूर्वक तपासणे आवश्यक आहे.
(टीप - यामध्ये सामान्य माहिती देण्यात आलेली आहे. हा गुंतवणूकीचा सल्ला नाही. शेअर बाजारातील गुंतवणूक जोखमीच्या अधीन असते. कोणत्याही प्रकारची गुंतवणूक करण्यापूर्वी या क्षेत्रातील जाणकार किंवा तज्ज्ञांचा सल्ला घेणं आवश्यक आहे.)
Web Summary : Three SME companies, Grover Jewels, Biopol Chemicals, and NFP Sampurna Foods, are launching IPOs this week, aiming to raise approximately ₹90 crore. Investors should carefully review the RHP and financial condition before investing due to higher risks in SME IPOs.
Web Summary : इस सप्ताह तीन एसएमई कंपनियां, ग्रोवर ज्वेल्स, बायोपोल केमिकल्स और एनएफपी संपूर्ण फूड्स, आईपीओ लॉन्च कर रही हैं, जिसका लक्ष्य लगभग ₹90 करोड़ जुटाना है। निवेशकों को एसएमई आईपीओ में उच्च जोखिमों के कारण निवेश करने से पहले आरएचपी और वित्तीय स्थिति की सावधानीपूर्वक समीक्षा करनी चाहिए।