दिवाळीत बाइक खरेदीचा विचार करताय? ८०,००० रुपयांच्या बजेटमधील टॉप ५ पर्याय पाहा!

Top 5 Bikes Under ₹80,000 : जीएसटी कपात आणि सणासुदीच्या आकर्षक ऑफर्समध्ये तुम्ही तुमची आवडती बाईक आता बजेटच्या किमतीत सहज खरेदी करू शकता.

Top 5 Bikes Under ₹80,000 : तुम्ही आगामी सणासुदीत तुमच्या स्वप्नातील बाईक खरेदी करण्याचा विचार करत असाल, तर ही तुमच्यासाठी एक आनंदाची बातमी आहे! केंद्र सरकारने नुकतीच ३५० सीसी पर्यंतच्या बाइक्सवर लागणारा जीएसटी २८ टक्क्यांवरून १८ टक्क्यांपर्यंत कमी केला आहे. यामुळे अनेक बाइक्सच्या किमतीत मोठी घट झाली आहे. त्यामुळे थोड्या महाग वाटणाऱ्या गाड्याही आता तुमच्या बजेटच्या किमतीत खरेदी करता येणार आहे.

२२ सप्टेंबरपासून ही जीएसटी कपात लागू झाल्यामुळे या फेस्टिव्ह सिझनमध्ये बाईक खरेदी करणे तुमच्यासाठी अत्यंत फायद्याचे ठरू शकते. यातून तुमची हजारो रुपयांची बचत होऊ शकते. आज आपण ८०,००० रुपयेपर्यंतच्या बजेटमधील ५ सर्वोत्तम बाइक्स पाहणार आहोत, ज्या जीएसटी कपातीमुळे आणखी परवडणाऱ्या झाल्या आहेत.

८०,००० रुपयांपर्यंतच्या बजेटमधील टॉप ५ बाइक्स१. हिरो स्प्लेंडर प्लस 

• हिरो स्प्लेंडर प्लस ही भारतातील सर्वाधिक लोकप्रिय बाइक्सपैकी एक.
• जीएसटी कपात: सुमारे ७% ची कपात झाली आहे.
• नवीन किंमत: ७३,९०२ रुपयांपासून (एक्स-शोरूम).

२. बजाज प्लॅटिना ११०

• उत्तम मायलेज आणि परवडणारी बाईक म्हणून ओळखली जाते.
• जीएसटी कपात: सुमारे ६,००० रुपयांची घट झाली आहे.
• नवीन किंमत: ६९,२८३ रुपयांपासून (एक्स-शोरूम).

३. होंडा शाइन १००

• नवीन पर्याय: १०० सीसी सेगमेंटमधील एक मजबूत आणि किफायतशीर बाईक.
• जीएसटी कपात: जवळपास ६,००० रुपयांची कपात झाली आहे.
• नवीन किंमत: ६३,१९० रुपयांपासून (एक्स-शोरूम).

४. हिरो पॅशन प्लस प्रो स्टायलिश डिझाइन आणि चांगल्या परफॉरमन्ससाठी ओळखली जाते.नवीन किंमत: ७६,६९१ रुपयांपासून (एक्स-शोरूम).ऑन-रोड किंमत ८०,००० रुपयांच्या थोडी वर जाऊ शकते, तरीही हा एक चांगला पर्याय आहे.

५. बजाज सीटी ११० एक्स 

• ग्रामीण भागासाठी एक उत्तम आणि टिकाऊ बाईक म्हणून पसंत केली जाते.
• नवीन किंमत: ६७,२८४ रुपयांपासून (एक्स-शोरूम).

वाचा - दिवाळीपूर्वी मोठी बातमी! फक्त १,२०० रुपयांमध्ये देशात कुठेही विमान प्रवासाची संधी; 'या' कंपनीने आणली ऑफर्स

गुंतवणूक सल्लाजीएसटी कपातीमुळे या बाइक्सच्या किमती कमी झाल्या असल्या तरी, खरेदी करण्यापूर्वी शोरूममध्ये जाऊन ऑन-रोड किंमत, उपलब्ध मॉडेल्स आणि ऑफर्सची सविस्तर माहिती घ्यावी. या सणासुदीच्या काळात शोरूमकडून इतरही काही आकर्षक ऑफर्स मिळू शकतात, ज्यामुळे तुमची बचत आणखी वाढेल.