छोटा शेअर, मोठा धमाका, ज्यानं ₹१ लाख गुंतवले, त्याचं मूल्य आज झालं ₹८१ लाख; तुमच्याकडे आहे का?

Multibagger Share: वेगवान गुंतवणुकीच्या जगात, कमी वेळेत उत्कृष्ट परतावा देणारा शेअर शोधणं हे प्रत्येक गुंतवणूकदाराचं स्वप्न असतं. अशाच एका शेअरनं आपल्या गुंतवणूकदारांना मालामाल केलंय.

Multibagger Share: वेगवान गुंतवणुकीच्या जगात, कमी वेळेत उत्कृष्ट परतावा देणारा शेअर शोधणं हे प्रत्येक गुंतवणूकदाराचं स्वप्न असतं. फोर्स मोटर्सच्या (Force Motors) गुंतवणूकदारांसाठी हे स्वप्न सत्यात उतरलं आहे, कारण कंपनीच्या शेअर्सनी जबरदस्त परतावा दिलाय.

अलिकडच्या वर्षांत सातत्यानं चांगली कामगिरी करत, हा शेअर अलीकडच्या काळातील सर्वात मोठा 'वेल्थ क्रिएटर' ठरलाय. ज्यानं आपल्या भागधारकांच्या संपत्तीत मोठी वाढ केली आहे. जरी मध्ये अनेकदा तो दीर्घकाळ दबावाखाली राहिला, तरी त्यानंतर त्याने उल्लेखनीय वाढ दर्शवत, कमी पातळीवर असतानाही गुंतवणूकदारांना आकर्षित करण्याची क्षमता सिद्ध केली.

उघडताच पूर्ण भरला 'हा' IPO; ग्रे मार्केट प्रीमिअमवरुन बंपर लिस्टिंगची शक्यता, पाहा डिटेल्स

कंपनी काय करते?

ही कंपनी पूर्णपणे इंटिग्रेटेड (Fully Integrated) ऑटोमोबाईल उत्पादक आहे. तिच्या उत्पादनांच्या श्रेणीमध्ये हलकी व्यावसायिक वाहनं, मल्टी-युटिलिटी वाहनं, लहान व्यावसायिक वाहनं, स्पोर्ट्स युटिलिटी वाहनं आणि कृषी ट्रॅक्टर यांचा समावेश आहे.

शेअरचा कामगिरीचा आलेख

गेल्या एक वर्षात, शेअर्समध्ये १६४% ची उसळी आली आहे.

गेल्या दोन वर्षांच्या कालावधीत, त्यांनी ३४०% चा परतावा दिलाय.

सातत्याने चांगल्या कामगिरीचं एक उल्लेखनीय उदाहरण सादर करत, शेअर्सनी गेल्या पाचपैकी चार वर्षांत सकारात्मक परतावा दिलाय.

२०२५ मध्येही ते आणखी उच्च परताव्यानं बंद होण्याची शक्यता आहे, कारण ते आधीच १८१% वाढले आहेत.

या दरम्यान, त्यांनी प्रथमच २१,००० रुपयांचा स्तर पार केला आणि २१,९९९ रुपये प्रति शेअर च्या नवीन विक्रमी स्तरावर पोहोचले.

२०२५ मधील ही तेजी बाजारातील चढउतारांदरम्यानही शेअरची वाढीची क्षमता दर्शवते.

दीर्घकालीन परिणाम (Long-term Impact)

२०१३ मधील २२५ रुपयांच्या मूल्यावरून हा शेअर आता १८,२८९ रुपये प्रति शेअरच्या सध्याच्या मूल्यापर्यंत पोहोचला आहे, म्हणजेच यामध्ये ८,०००% ची उल्लेखनीय वाढ झाली आहे. या वर्षांमध्ये, या शेअरने चार वेळा मल्टीबॅगर रिटर्न नोंदवले, ज्यात २०१५ हे सर्वोत्तम कामगिरीचे वर्ष होते जेव्हा तो १८८% वाढला, त्यानंतर २०१४ आणि २०२३ मध्ये अनुक्रमे १८७% आणि १६१% ची वाढ झाली.

१२ वर्षांत १ लाख झाले ८१ लाख

जर एखाद्या गुंतवणूकदाराने २०१३ मध्ये कंपनीत १ लाख रुपये गुंतवले असते, तर त्याला ४४४ शेअर्स मिळाले असते. जर तो गुंतवणूकदारानं त्याची गुंतवणूक कायम ठेवली असती, तर त्यांची किंमत आता ८१.२० लाख रुपये झाली असती. योग्य निर्णय घेतल्यास आणि दीर्घकाळ त्यावर कायम राहिल्यास संपत्तीची किती मोठी वाढ होऊ शकते, हे यातून दिसून येते.

(टीप - यामध्ये केवळ शेअरच्या कामगिरीविषयी माहिती देण्यात आलेली आहे. हा गुंतवणूकीचा सल्ला नाही. कोणत्याही प्रकारची गुंतवणूक करण्यापूर्वी या क्षेत्रातील जाणकार किंवा तज्ज्ञांचा सल्ला घेणं आवश्यक आहे.)