ऑनलाइन खरेदीला आता छोट्या शहरांमधून ‘बूस्टर’!

एकूण ऑनलाइन ऑर्डर्सपैकी तब्बल तीन-चतुर्थांश वाटा नॉन-मेट्रो शहरांचा

लोकमत न्यूज नेटवर्क, मुंबई : यंदाच्या दिवाळीत ऑनलाइनखरेदीची खरी जादू मेट्रो शहरांत नाही, तर छोट्या आणि नॉन-मेट्रो शहरांमध्ये दिसून आली आहे. या भागांमधून आलेल्या जबरदस्त प्रतिसादामुळे ई-कॉमर्सला सणासुदीच्या हंगामात नवा बूस्टर मिळाला आहे. एकूण ऑनलाइन ऑर्डर्सपैकी तब्बल तीन-चतुर्थांश वाटा नॉन-मेट्रो शहरांचा ठरला असून, त्यात टियर-३ शहरांनी अर्ध्याहून अधिक योगदान दिले आहे.

लॉजिस्टिक्स इंटेलिजन्स प्लॅटफॉर्म क्लिकपोस्टने ४.२५ कोटी शिपमेंट्सच्या केलेल्या विश्लेषणातून आढळले की, ई-कॉमर्सच्या वाढीला छोट्या शहरांतून बळ मिळत आहे. नवरात्रोत्सवाच्या आधीच्या आठवड्यात फॅशन ऑर्डर्समध्ये १४.३ टक्क्यांची वाढ झाली, तर करवा चौथमध्ये कॉस्मेटिक खरेदी फॅशनच्या दुप्पट झाली. 

कॅश ऑन डिलिव्हरीवर भर : छोट्या शहरांतून येणाऱ्या ऑर्डर्समुळे मेट्रो शहरांतील ऑनलाइन खरेदीचा जोर कमी दिसतो. कॅश ऑन डिलिव्हरीवर अजूनही लोकांमध्ये लोकप्रिय आहे. ५२% लोक टियर-३ शहरांतून कॅश ऑन डिलिव्हरी पेमेंट पद्धतीत प्राधान्याने वापरतात. ८.७% लोक घेतात  सेम-डे डिलिव्हरीचा फायदा.

ई-कॉमर्समध्ये ‘भारत’चा दम

विभाग        वाटा (%)टियर-३ शहरे        ५०.७%टियर-२ शहरे        २४.८%मेट्रो + टियर-१        २५.३%एकूण छोटी शहरे        ७४.७%