भारत जागतिक अर्थव्यवस्थेचा प्रमुख विकास इंजिन, चीनची वाढ संथ; पाहा काय म्हणाल्या IMF प्रमुख

India Vs China: आंतरराष्ट्रीय नाणेनिधीच्या (IMF) प्रमुख क्रिस्टालिना जॉर्जीवा यांनी भारताला जागतिक अर्थव्यवस्थेसाठी एक 'प्रमुख विकास इंजिन' म्हणून संबोधलं आहे. जाणून घ्या भारताबद्दल आणखी काय म्हणाल्या जॉर्जीवा.

India Vs China: आंतरराष्ट्रीय नाणेनिधीच्या (IMF) प्रमुख क्रिस्टालिना जॉर्जीवा यांनी भारताला जागतिक अर्थव्यवस्थेसाठी एक 'प्रमुख विकास इंजिन' म्हणून संबोधलं आहे. जिथे चीनचा विकास दर मंदावत आहे, तिथे भारत वेगाने पुढे जात असल्याचं त्या म्हणाल्या. पुढील आठवड्यात वॉशिंग्टनमध्ये होणाऱ्या IMF आणि जागतिक बँकच्या वार्षिक बैठकीपूर्वी त्यांचं हे वक्तव्य समोर आलं आहे. जॉर्जीवा यांच्या मते, जागतिक आर्थिक वाढीच्या स्वरूपात बदल दिसून येत आहे. या बदलाची मुख्य वैशिष्ट्ये खालीलप्रमाणे आहेत:

भारत एक प्रमुख इंजिन: जागतिक वाढीचे एक प्रमुख इंजिन म्हणून भारत उदयास येत आहे आणि जग भारताकडे याच रूपात पाहत आहे.

चीनचा वेग मंदावला: चीनच्या आर्थिक विकास दरात सातत्यानं घसरण नोंदवली जात आहे.

जगभरातील वाढ: सध्या जागतिक अर्थव्यवस्थेची कामगिरी पूर्वीच्या अंदाजापेक्षा चांगली आहे. यावर्षी जागतिक विकास दर ३% राहण्याचा अंदाज आहे.

घरबसल्या महिन्याला ₹९२५० ची कमाई करुन देणारी पोस्टाची स्कीम! पण एक चूक पडेल भारी, बसू शकतो ३० हजारांचा फटका

भारताच्या उत्कृष्ट कामगिरीची ४ कारणं

IMF प्रमुखांनी जागतिक अर्थव्यवस्थेच्या लवचिकतेसाठी प्रामुख्यानं चार कारणं सांगितली आहेत.

मजबूत धोरणात्मक आधार: अनेक देशांनी चांगल्या मॉनेटरी पॉलिसी तयार केल्या आहेत आणि त्यांचे वित्तीय नियम मजबूत केले आहेत.

खाजगी क्षेत्राची लवचिकता: खाजगी कंपन्या बदलत्या परिस्थितीशी जलद जुळवून घेत आहेत आणि त्यांच्या व्यवसाय मॉडेलमध्ये बदल करत आहेत.

टॅरिफचा मर्यादित परिणाम: अमेरिकेनं लादलेल्या टॅरिफचा परिणाम सुरुवातीच्या अंदाजांइतका गंभीर राहिलेला नाही, तथापि, त्यांनी हे देखील सांगितलं की, त्याचा संपूर्ण परिणाम अद्याप समोर यायचा आहे.

अनुकूल वित्तीय परिस्थिती: फायनान्शिअल मार्केटची स्थिती अजूनही अनुकूल बनलेली आहे.

ट्रेड वॉरमध्ये 'जशास तसं' टाळणारे देश

जॉर्जीवा यांची ही टिप्पणी अशा वेळी आली आहे, जेव्हा जग अमेरिकेचे राष्ट्राध्यक्ष डोनाल्ड ट्रम्प यांच्या टॅरिफ धोरणांच्या प्रभावाशी संघर्ष करत आहे. त्यांनी सांगितलं की, जगानं आतापर्यंत ट्रेड वॉरमध्ये 'जशास तसं' या परिस्थितीत जाणं टाळलं आहे. मात्र, त्यांनी असा इशाराही दिला की, अर्थव्यवस्थेची लवचिकता अजून पूर्णपणे तपासली गेली नाही आणि अनिश्चितता आता नवीन सामान्य स्थिती बनली आहे.

भारताच्या विकासाचे आकडे

भारताच्या मजबूत आर्थिक स्थितीचा अंदाज यावरून लावला जाऊ शकतो की, नुकतेच जागतिक बँकेनं २०२५-२६ या वित्तीय वर्षासाठी भारताच्या विकास दराचा अंदाज वाढवून ६.५% केला आहे. यापूर्वी, एप्रिल-जून तिमाहीत भारताचा जीडीपी विकास दर ७.८% होता, जो गेल्या पाच तिमाहींमधील सर्वात वेगवान होता. "भारतीय अर्थव्यवस्था मजबूत देशांतर्गत उपभोग आणि गुंतवणूकच्या बळावर विकास करत आहे आणि बाह्य धक्क्यांचा देशाच्या विकासाच्या मार्गावर मर्यादित परिणाम होईल," असंही केंद्रीय अर्थमंत्री निर्मला सीतारमण यांनीही म्हटलं.