Oyo IPO: पैसा तयार ठेवा! आयोचा आयपीओ येणार; काय आहेत डिटेल्स? जाणून घ्या

Oyo IPO: हॉटेल मॅनेजमेंट कंपनी असलेल्या ओयो तुम्हाला माहिती असेलच. आता याचा आयपीओ येण्याच्या तयारीत आहे. पाहा काय आहेत डिटेल्स.

Oyo IPO: हॉटेल मॅनेजमेंट कंपनी असलेल्या ओयो तुम्हाला माहिती असेलच. तिची मूळ कंपनी प्रिझमनं २० डिसेंबर रोजी एक्स्ट्रा ऑर्डिनरी जनरल मीटिंग (EGM) बोलावली आहे. या बैठकीत शेअरहोल्डर्सना इनिशिअल पब्लिक ऑफरिंगसाठी (IPO) मंजुरी मागितली जाईल. या IPO द्वारे कंपनीचं ₹६,६५० कोटी पर्यंत रक्कम उभारण्याचं उद्दिष्ट आहे. नवीन शेअर्स जारी करून हे पैसे उभारले जातील.

शेअरहोल्डर्स मतदान करतील

शेअरहोल्डर्स दुसऱ्या प्रस्तावावर देखील मतदान करतील. हा प्रस्ताव बोनस शेअर्स जारी करण्याबाबत आहे. या प्रस्तावाअंतर्गत, प्रत्येक १९ शेअरहोल्डर्सना एक पूर्णपणे पेड-अप इक्विटी शेअर मोफत मिळेल. या प्रस्तावाची रेकॉर्ड तारीख ५ डिसेंबर आहे. याचा अर्थ असा की या तारखेपर्यंत ज्यांच्याकडे शेअर्स आहेत ते बोनससाठी पात्र असतील.

ट्रम्प टॅरिफमुळे अमेरिकेतच हाहाकार; छोट्या व्यावसायिकांवर टांगती तलवार, स्टॉकही संपला, दिवाळखोर होण्याची भीती

बोनस शेअर्स दिले जातील

कंपनीनं भागधारक आणि गुंतवणूकदारांचं मत जाणून घेतल्यानंतर हा निर्णय घेतला आहे. प्रिझमनं तिच्या मागील बोनस रचनेचा आढावा घेण्याचा आणि एकत्रित करण्याचा निर्णय घेतला आहे. कंपनीनं म्हटलंय की या नवीन रचनेचा सर्व इक्विटी शेअरहोल्डर्सना समान फायदा होईल. इकॉनॉमिक टाईम्सनं यासंदर्भातील वृत्त दिलंय. बोनस शेअर्स कंपनीच्या शेअर प्रीमियम आणि रिझर्व्हमधून दिले जातील. नोटीसमध्ये म्हटल्याप्रमाणे, कंपनीचे अधिकृत शेअर भांडवल ₹२,४३१ कोटींवरून ₹२,४९१ कोटींपर्यंत वाढवण्यावरदेखील ईजीएममध्ये मतदान घेतलं जाईल.

(टीप : यामध्ये सामान्य माहिती देण्यात आलेली आहे. हा गुंतवणूकीचा सल्ला नाही. कोणत्याही प्रकारची गुंतवणूक करण्यापूर्वी या क्षेत्रातील जाणकार किंवा तज्ज्ञांचा सल्ला घेणं आवश्यक आहे.)