Share market crashed : गेल्या दोन महिन्यांपासून शेअर बाजारात मोठी उलथापालथ पाहायला मिळत आहे. परदेशी गुंतवणूकदारांनी पाठ फिरवल्यानंतर सातत्याने बाजारात विक्रीचा दबाव आहे. त्यामुळे बाजार अस्थिर झाला असून सापशिडीचा खेळ सुरू आहे. कधी वर तर कधी खाली. अशात शेअर बाजारातील वाढीदरम्यान कोटक इन्स्टिट्यूशनल इक्विटीजने काही शेअर्सबाबत आपले मत दिले आहे. यात काही शेअर्स ५६ टक्क्यांनी घसरू शकतात, असा अंदाज व्यक्त केला आहे. यातील बहुतांश सार्वजनिक क्षेत्रातील शेअर्स आहेत. ब्रोकरेजने म्हटले आहे की BHEL ltd, NTPC, कोचीन शिपयार्ड आणि भारत इलेक्ट्रॉनिक्स लिमिटेड यासह अनेक 'नॅरेटिव्ह' स्टॉक्स अधिक महाग आहेत. त्यात सुधारणा होऊ शकते.
ब्रोकरेजने सांगितले की, बाजारातील बहुतांश भागांमध्ये याला फारसे मूल्य मिळत नाही, कारण बहुतांश क्षेत्रे आणि शेअर्सचे मूल्यांकन वाजवी आहे. सध्या या शेअर्सचे मूल्य अधिक अस्थिर असल्याचे दिसते. कव्हर केलेल्या स्टॉक्ससाठी आमच्या १२ महिन्याच्या वाजवी मूल्यामध्ये मोठी संभाव्य घट होईल, असा अंदाज आहे. बाजार भांडवल आणि क्षेत्रांमधील 'नॅरेटिव्ह' स्टॉक्समध्ये गेल्या ३-६ महिन्यांत झपाट्याने घट झाली आहे. तर FY२०२५ आणि FY२६ Ebitda आणि EPS अंदाजांमध्ये मर्यादित घट दिसून आली आहे.
कोणते शेअर्स घसरू शकतात?कोटकने BHEL साठी ११० रुपये वाजवी मूल्य ठेवले आहे, जे ५६ टक्क्यांनी आणखी खाली येण्याची शक्यता आहे. कोचीन शिपयार्डचे वाजवी मूल्य ८०० रुपये आहे, ज्यात ५२ टक्क्यांनी घट होऊ शकते. डिक्सन टेकसाठी कोटकचे ८,४३० चे लक्ष्य ५० टक्क्यांनी घसरले आहे. यामुळे JSW एनर्जीचे वाजवी मूल्य सध्याच्या ३३० रुपयांच्या शेअरच्या किमतीपेक्षा ४९ टक्क्यांनी कमी आहे.
टाटा पॉवरच्या शेअर्समध्ये किती घसरण होऊ शकते? HPCL ४७ टक्क्यांनी घसरून २०० रुपयांच्या पातळीवर जाण्याची शक्यता ब्रोकरेजने व्यक्त केली आहे. अल्ट्राटेक सिमेंट शेअरसाठी ४१ टक्क्यांच्या घसरणीसह ६,९०० रुपयांचे लक्ष्य ठेवले आहे. सीजी पॉवर आणि सीमेन्स सारख्या भांडवली वस्तूंचे शेअर, सिमेंट स्टॉक्स अंबुजा सिमेंट्स आणि श्री सिमेंट, टाटा पॉवर, एनटीपीसी, पॉवर ग्रिड आणि एनएचपीसी सारख्या युटिलिटीज वस्तूंचे शेअर ३९ टक्क्यांपर्यंत घसरण्याची शक्यता आहे.
तेल कंपन्यांचे शेअर्सही घसरणार?कोटक यांनी आयओसी, ऑइल इंडिया आणि बीपीसीएल सारख्या तेल शेअर्ससाठी वाजवी मूल्य सुचवले आहे. जे सध्याच्या स्टॉक पातळीपेक्षा २८ टक्क्यांपर्यंत कमी आहे. निफ्टी, निफ्टी मिडकॅप १०० आणि निफ्टी स्मॉलकॅप १०० त्यांच्या सर्वोच्च पातळीपासून ७ टक्के, ६ टक्के आणि ४ टक्क्यांनी घसरले आहेत. कारण उपभोग-आधारित क्षेत्रांमधील कमाई कमी झाली आहे.