डोनाल्ड ट्रम्प यांची घोषणा अन् सोन्यात मोठी उसळी; दर १२०० रुपयांनी वाढला, चांदीचा भाव स्थिर

सलग नऊ दिवस सोने पडल्यानंतर गुंतवणूकदारांनी मोठ्या प्रमाणात खरेदी सुरू केली. 

मुंबई : अमेरिकेने तात्पुरत्या युद्धविरामाची घोषणा केल्याने सोन्याच्या दरात मंगळवारी उसळी पाहायला मिळाली. दिल्ली सराफा बाजारात २४ कॅरेट सोन्याचा भाव १,२०० रुपयांनी वाढून १.४४ लाख रुपये प्रति १० ग्रॅम या पातळीवर पोहोचला. 

दुसरीकडे, चांदीचा दर मात्र २.३० लाख रुपये प्रतिकिलो या पातळीवर स्थिर राहिला. याआधी सोमवारी सोन्याचा भाव १,४३,६०० रुपयांवर बंद झाला होता. अलीकडील तीव्र घसरणीनंतर गुंतवणूकदारांनी कमी किमतीवर खरेदी केल्याने आणि जागतिक बाजारात सुधारणा झाल्याने सोन्याला आधार मिळाला. सलग नऊ दिवस सोने पडल्यानंतर गुंतवणूकदारांनी मोठ्या प्रमाणात खरेदी सुरू केली.