नवी दिल्लीः कर्मचारी भविष्य निर्वाह निधी संघटने(EPFO)ने 64 लाख पेन्शन धारकांना मोठं गिफ्ट दिलं आहे. EPFOनं लाइफ सर्टिफिकेट जमा करण्याच्या नियमात बदल केला आहे. पेन्शन मिळवण्यासाठी आता पेन्शन धारक आपल्या सोयीनुसार कधीही ऑनलाइन पद्धतीनं लाइफ सर्टिफिकेट जमा करू शकणार आहेत. लाइफ सर्टिफिकेट जमा करण्याच्या नियमात केलेल्या बदलांमुळे कर्मचारी पेन्शन योजना(EPS), 1995अंतर्गत 64 लाख पेन्शनर्सना फायदा मिळणार आहे. कर्मचारी भविष्य निर्वाह निधी संघटनेनं ट्विट करत याची माहिती दिली आहे. वर्षभरापर्यंत वैध राहणार लाइफ सर्टिफिकेटपेन्शन धारक आपल्या सुविधेनुसार वर्षभरातल्या कोणत्याही वेळेत ऑनलाइन पद्धतीनं जीवन प्रमाणपत्र (Life Certificate) जमा करू शकणार आहेत. जीवन प्रमाणपत्र जमा केलेल्या दिवसापासून ते वर्षभरापर्यंत वैध राहणार आहे, अशीही माहिती EPFOनं ट्विट करून दिली आहे. जीवन प्रमाणपत्र (Life Certificate) हा पेन्शन धारक जिवंत असल्याचा पुरावा असतो. जर ते वेळेत जमा न केल्यास पेन्शन धारकाला पेन्शन मिळणंसुद्धा बंद होऊ शकतं. सद्यस्थितीत पेन्शन धारकांना वर्षातल्या नोव्हेंबर महिन्यात ज्या बँकेत पेन्शन येते, तिथे ते सर्टिफिकेट जमा करावं लागतं. नोव्हेंबरमध्ये संबंधित बँकेत जीवन प्रमाणपत्र (Life Certificate) जमा न केल्यास जानेवारीपासून त्याची पेन्शन बंद केली जाऊ शकते. परंतु आता EPFOनं नियमांत बदल केलेले असल्यामुळे वर्षभरात कोणत्याही वेळी आपल्याला लाइफ सर्टिफिकेट जमा करता येणार आहे. जमा केलेल्या तारखेपासून 12 महिन्यांसाठी ते मर्यादित राहणार आहे.
EPFOचं 64 लाख पेन्शनधारकांना मोठं गिफ्ट; 'या' नियमात केला बदल
By ऑनलाइन लोकमत | Updated: March 12, 2020 08:11 IST
लाइफ सर्टिफिकेट जमा करण्याच्या नियमात केलेल्या बदलांमुळे कर्मचारी पेन्शन योजना(EPS), 1995अंतर्गत 64 लाख पेन्शनर्सना फायदा मिळणार आहे.
EPFOचं 64 लाख पेन्शनधारकांना मोठं गिफ्ट; 'या' नियमात केला बदल
ठळक मुद्दे कर्मचारी भविष्य निर्वाह निधी संघटने(EPFO)ने 64 लाख पेन्शन धारकांना मोठं गिफ्ट दिलं आहे. पेन्शन मिळवण्यासाठी आता पेन्शन धारक आपल्या सोयीनुसार कधीही ऑनलाइन पद्धतीनं लाइफ सर्टिफिकेट जमा करू शकणार आहेत. लाइफ सर्टिफिकेट जमा करण्याच्या नियमात केलेल्या बदलांमुळे कर्मचारी पेन्शन योजना(EPS), 1995अंतर्गत 64 लाख पेन्शनर्सना फायदा मिळणार आहे.