पुढील वर्षी सरासरी १० टक्क्यांपर्यंत पगारवाढ; सर्वाधिक लाभ कुणाला मिळणार?

येत्या वर्षी भारतात कर्मचाऱ्यांच्या वेतनात सरासरी ९ टक्क्यांपर्यंत वाढ होण्याची शक्यता व्यक्त करण्यात आली आहे. जाणून घ्या कोणाला मिळणार सर्वाधिक वाढ.

मुंबई : येत्या वर्षी भारतात कर्मचाऱ्यांच्या वेतनात सरासरी ९ टक्क्यांपर्यंत वाढ होण्याची शक्यता व्यक्त करण्यात आली आहे. ही वाढ यंदाच्या ८.९ टक्क्यांच्या सरासरीपेक्षा किंचित अधिक असेल, असे ‘एऑन’ या जागतिक व्यावसायिक सेवा संस्थेच्या ताज्या सर्वेक्षण अहवालात म्हटले आहे.

• रिअल इस्टेट/ पायाभूत क्षेत्र १०.९%
• गैर-बँकिंग वित्तीय संस्था १०.०%
• अभियांत्रिकी डिझाइन सेवा ९.७%
• वाहननिर्मिती उद्योग ९.६%
• किरकोळ व्यापार ९.६%
• जीवनविज्ञान/औषधनिर्मिती ९.६%

पगार नेमका का वाढणार?

जागतिक अनिश्चितता असूनही वेतनवाढीचा सकारात्मक कल कायम राहणार आहे. यामागे मजबूत घरगुती खप, वाढते गुंतवणुकीचे प्रमाण, सरकारी धोरणांचे पाठबळ हे घटक आहेत.

कंपन्यांसाठी दीर्घकालीन फायदा

• हा कल पाहता कंपन्यांना भविष्यातील व्यावसायिक गरजांसाठी मजबूत ‘टॅलेंट पाइपलाइन’ तयार करण्याची संधी मिळेल.
• या घसरणीमुळे कामगार बाजार अधिक स्थिर होत असल्याचे संकेत मिळतात. कंपन्यांना कौशल्य सुधारणा करण्याची संधी आहे.