Air India Fuel Surcharge: जागतिक स्तरावर जेट फ्यूलच्या किमतीत जवळपास १०० टक्क्यांपर्यंत वाढ झाल्यानंतर एअर इंडियाने आपल्या फ्यूल सरचार्जमध्ये वाढ केली आहे. ८ एप्रिल २०२६ पासून कंपनी जुना फ्लॅट सरचार्ज रद्द करून अंतरावर आधारित स्लॅब सिस्टम लागू करणार आहे. या निर्णयामुळे देशांतर्गत आणि आंतरराष्ट्रीय, दोन्ही मार्गांवरील विमानप्रवास महाग होण्याची शक्यता आहे.
बदलामागील कारण
हा निर्णय प्रामुख्याने अमेरिका-इराण युद्ध यामुळे जागतिक जेट फ्यूलच्या किमतीत झालेल्या मोठ्या वाढीमुळे घेतला गेला आहे. एव्हिएशन टर्बाइन फ्यूल (ATF) महागल्यामुळे जगभरातील विमान कंपन्यांच्या ऑपरेशनल खर्चात मोठी वाढ झाली आहे. अशा परिस्थितीत, एअर इंडियाने हा सरचार्जवाढीचा निर्णय घेतला आहे.
अंमलबजावणीची तारीख
देशांतर्गत उड्डाणे - ८ एप्रिल २०२६ पासूनआंतरराष्ट्रीय उड्डाणे - १० एप्रिल २०२६ पासून
एअर इंडियाने देशांतर्गत प्रवासासाठी एकसमान सरचार्ज ऐवजी अंतरावर आधारित मॉडेल लागू केले आहे:
० ते ५०० किमी - प्रति सेक्टर ₹२९९ अतिरिक्त२००० किमीपेक्षा जास्त अंतर - प्रति सेक्टर ₹८९९ पर्यंत
हा बदल केंद्र सरकारच्या त्या निर्णयाशी सुसंगत आहे, ज्यामध्ये ATF दरवाढ २५% पर्यंत मर्यादित ठेवण्यात आली आहे. तरीही, या वाढीचा परिणाम बहुतेक मार्गांवरील तिकिटांच्या किमतींवर होणार आहे.
आंतरराष्ट्रीय उड्डाणांवरील परिणाम (१० एप्रिलपासून)
आंतरराष्ट्रीय प्रवासासाठी सरचार्ज मोठ्या प्रमाणात वाढवण्यात आला आहे:
उत्तर अमेरिका व ऑस्ट्रेलिया - $२८० (सुमारे ₹२३,४००) प्रति सेक्टरयुरोप व यूके - $२०५ (सुमारे ₹१७,०००) प्रति सेक्टरआफ्रिका व मध्य आशिया — $१३० (सुमारे ₹१०,८००) प्रति सेक्टरमिडल ईस्ट - $५० (सुमारे ₹४,२००) प्रति सेक्टरदक्षिण-पूर्व आशिया व चीन - $१०० (सुमारे ₹८,३००), सिंगापूरसाठी $६०SAARC देश (नेपाळ, श्रीलंका) - $२४ (सुमारे ₹२,०००) प्रति सेक्टर
यामुळे लांब पल्ल्याच्या प्रवासासाठी ये-जा तिकिटांवर हजारो रुपयांचा अतिरिक्त भार पडणार आहे.
आधीच बुक केलेल्या तिकिटांबाबत दिलासा
एअर इंडियाने स्पष्ट केले आहे की, ८ किंवा १० एप्रिलपूर्वी बुक केलेल्या तिकिटांवर नवीन सरचार्ज लागू होणार नाही. मात्र, प्रवासाची तारीख किंवा मार्ग बदलल्यास नवीन दर लागू होतील.
Web Summary : Air India increased fuel surcharges due to rising jet fuel costs from the Middle East conflict. New distance-based surcharges start April 8, 2026, for domestic flights and April 10, 2026, for international routes, significantly raising ticket prices, especially for long-haul travel.
Web Summary : मध्य पूर्व संघर्ष के कारण जेट ईंधन की कीमतों में वृद्धि से एयर इंडिया ने ईंधन अधिभार बढ़ाया। नई दूरी-आधारित अधिभार 8 अप्रैल, 2026 से घरेलू उड़ानों और 10 अप्रैल, 2026 से अंतर्राष्ट्रीय मार्गों के लिए शुरू होते हैं, जिससे टिकट की कीमतें काफी बढ़ जाती हैं, खासकर लंबी दूरी की यात्रा के लिए।