HDFC minimum balance : सध्या बँक ग्राहकांना एकामागून एक धक्के बसत आहे. ICICI नंतर देशातील सर्वात मोठी खाजगी बँक HDFC बँकेने बचत खात्यांच्या नियमांमध्ये मोठा बदल केला आहे. आता HDFC च्या ग्राहकांना त्यांच्या खात्यात पूर्वीपेक्षा जास्त किमान शिल्लक रक्कम ठेवावी लागेल. हा नियम विशेषतः १ ऑगस्ट २०२५ नंतर नवीन खाते उघडणाऱ्या ग्राहकांना लागू होईल.
शहरी आणि ग्रामीण भागांसाठी नवीन नियम
- HDFC बँकेने वेगवेगळ्या भागांनुसार मिनिमम बॅलन्सची मर्यादा वाढवली आहे.
- शहरी भागांमध्ये: पूर्वी मिनिमम बॅलन्सची मर्यादा १०,००० रुपये होती, ती आता वाढवून २५,००० रुपये करण्यात आली आहे.
- अर्ध-शहरी शाखांमध्ये: येथेही मर्यादा ५,००० रुपयांवरून थेट २५,००० रुपये करण्यात आली आहे.
- ग्रामीण शाखांमध्ये: मिनिमम बॅलन्सची मर्यादा ५,००० रुपयांवरून १०,००० रुपये करण्यात आली आहे.
बँकेने सांगितले आहे की, वाढलेल्या बँकिंग आणि कामकाजाच्या खर्चामुळे हा निर्णय घेण्यात आला आहे. जर तुमच्या खात्यात ही किमान शिल्लक रक्कम नसेल, तर बँक दरमहा दंड आकारू शकते.
या ग्राहकांना कोणताही परिणाम होणार नाहीज्यांनी १ ऑगस्ट २०२५ पूर्वी HDFC बँकेत खाते उघडले आहे, त्यांना सध्या या नवीन नियमाचा कोणताही परिणाम होणार नाही.पगार खाते आणि BSBDA (Basic Savings Bank Deposit Account) असलेल्या ग्राहकांना देखील या नियमातून सूट देण्यात आली आहे. ही खाती शून्य-बॅलन्स सुविधा देतात.
ICICI बँकेनेही केली होती वाढHDFC बँकेपूर्वी ICICI बँकेनेही असाच एक मोठा बदल केला होता. ICICI बँकेत नवीन खाते उघडणाऱ्या ग्राहकांना आता *५०,००० रुपये किमान शिल्लक ठेवावी लागेल, जी पूर्वी फक्त १०,००० रुपये होती. हा नियम देखील १ ऑगस्ट २०२५ पासून लागू झाला आहे.
वाचा - पोस्ट ऑफिसची धमाकेदार योजना! पत्नीच्या नावावर FD करुन मिळवा बँक एफडीपेक्षा जास्त परतावा!
जिथे सरकारी बँका मिनिमम बॅलन्सचा नियम काढून टाकण्याचा विचार करत आहेत, तिथे खाजगी बँका मात्र नियम अधिक कठोर करत असल्याचे दिसून येत आहे.