Ram Mandir Latest News | Ram Mandir Inaugration Live Updates in Marathi | Ayodhya Ramlalla Pran Pratishtha | राम मंदिर अयोध्या | राम मंदिर अयोध्या प्राणप्रतिष्ठा

अयोध्येतील राम मंदिराचे उद्घाटन आता काहीच दिवसात होणार आहे. याबाबत मंदिराचे फोटो काल समोर आले होते. युद्धपातळीवर काम सुरू आहे, २२ जानेवारीच्या आधी सर्व कामे पूर्ण होणार असल्याचे सांगण्यात आले आहे. दरम्यान, आता प्राणप्रतिष्ठा सोहळ्याची देशभरात जोरदार तयारी सुरू आहे. उत्तर प्रदेशातील अयोध्येत उभारल्या जाणाऱ्या भव्य राम मंदिरासाठी देशभरातून तसेच परदेशातूनही वस्तू पाठवण्यात येत आहेत. प्रभू राम यांच्या आजीच्या छत्तीसगडमधून तीन हजार क्विंटल तांदुळ येणार आहे, तसेच कपडे, फळे, सुका मेवा आणि भेटवस्तूंनी सजवलेल्या ११०० प्लेट्स नेपाळमधील त्यांच्या सासरच्या जनकपूर येथून येणार आहेत. याशिवाय भारतातील विविध राज्यांतून बऱ्याच वस्तु अयोध्येत येणार आहेत.जमीन विकली, उसनवारी करत राम मंदिरासाठी दिले १ कोटींचे दान! पहिल्या देणगीदाराला आमंत्रण राम मंदिरात कुठून काय येणार?जानेवारीत राम मंदिरात प्राणप्रतिष्ठा अभिषेक होणार आहे. यानंतर श्री रामला विशेष नैवेद्य दाखवला जाईल, यामध्ये आजीच्या घरातील तांदूळ आणि सासरच्या घरातील सुका मेवा असेल. नानिहाल छत्तीसगडमधून ३ हजार क्विंटल तांदूळ अयोध्येत येणार आहे. अयोध्येला पोहोचणारी तांदळाची आजपर्यंतची ही सर्वात मोठी खेप असेल. छत्तीसगडमधील जिल्ह्यांतून ते गोळा करण्यात आले आहे.श्रीराम यांच्या नेपाळ येथील जनकपूर सासरवाडी येथून कपडे, फळे आणि सुका मेवा ५ जानेवारीला अयोध्येला पोहोचतील. याशिवाय भेटवस्तूंनी सजवलेल्या ११०० थाळ्याही असतील. दागिने, भांडी, कपडे आणि मिठाई याशिवाय नेपाळमधून ५१ प्रकारची मिठाई, दही, लोणी आणि चांदीची भांडी यांचाही समावेश असेल.अष्टधातुची २१ किलोची घंटा उत्तर प्रदेशातील एटा जिल्ह्यातून रामललाच्या दरबारात पोहोचेल. असा दावा केला जात आहे की ही देशातील सर्वात मोठी घंटा असेल, याची किंमत २५ लाख रुपये असेल. उत्तर प्रदेशातील एटाहून अयोध्येला पोहोचणाऱ्या घंटेची रुंदी १५ फूट आणि आतील बाजूची रुंदी ५ फूट आहे. त्याचे वजन २१०० किलो आहे. ते बनवण्यासाठी एक वर्ष लागले. प्राणप्रतिष्ठेसाठी गुजरातमधील वडोदरा येथून १०८ फूट लांब अगरबत्ती अयोध्येला पाठवली जात आहे, जी तयार आहे. हे पंचगव्य आणि हवन घटकांपासून बनवले जाते. त्याचे वजन ३५०० किलो आहे. वडोदराहून अयोध्येला पोहोचणाऱ्या या अगरबत्तीची किंमत पाच लाखांपेक्षा जास्त आहे. ती तयार करण्यासाठी ६ महिने लागली आहेत.ही अगरबत्ती ११० फूट लांबीच्या रथातून वडोदरा ते अयोध्येला पाठवली जाईल. अगरबत्ती बनवणाऱ्या विहा भारवाड म्हणाले की, एकदा ती पेटवली की दीड महिना सतत ती जळत राहते.राममंदिराच्या अभिषेकनंतर प्रभूच्या पादुकाही तिथे ठेवण्यात येणार आहेत. सध्या या पादुका देशभर फिरवल्या जात आहेत. १९ जानेवारीला पादुका अयोध्येला पोहोचतील. हे हैदराबादचे श्रीचल श्रीनिवास शास्त्री यांनी तयार केले आहेत. श्रीचल्ल श्रीनिवास शास्त्री यांनी या श्री राम पादुकांसह ४१ दिवस अयोध्येची प्रदक्षिणा केली होती. त्यानंतर या पादुका रामेश्वरम ते बद्रीनाथपर्यंतच्या सर्व प्रसिद्ध मंदिरांमध्ये नेण्यात येत असून विशेष पूजा करण्यात येत आहेत.

एकच ध्यास; श्रीराम मंदिराचे काम २२ जानेवारीपूर्वी पूर्ण करणारच; चंपतराय बन्सल यांची माहिती

विरोधक धर्मसंकटात; श्रीराम मंदिरातील प्राणप्रतिष्ठा सोहळ्याला जाण्याबाबत द्विधा स्थिती

अयोध्येतील राम मंदिर उभारणीत मराठी माणसांची अहोरात्र सेवा; घरदार सोडून रामचरणी लीन

रामललाच्या दर्शनासाठी विमानाने चला; लवकरच 'मुंबई ते अयोध्या' विमानसेवा

५ हजार स्वयंसेवक, दीड लाख कुटुंबाना वाटणार श्रीरामाच्या मूर्तीच्या प्राणप्रतिष्ठा सोहळ्याच्या अक्षता

... तेव्हा मी २० दिवस तुरुंगात होतो, उद्धव ठाकरे कुठे होते?; महाजनांचा थेट सवाल

“राम मंदिर लोकार्पणासाठी VVIPना निमंत्रण, उद्धव ठाकरे साधे पहिल्या टर्मचे MLC”; भाजपचा टोला

अयोध्येच्या तात्पुरत्या मंदिरात दर्शनपूजा २० जानेवारीपासून बंद; जय्यत तयारी सुरू

हिम्मत असेल तर २२ जानेवारीला या, मंदिर कसं उभारलं ते दाखवू- देवेंद्र फडणवीस

प्रभू श्रीरामाच्या प्रतिष्ठापणेसाठी कोणत्याही राज्याच्या मुख्यमंत्र्यांना निमंत्रण नाही; कारण काय?

कोल्हापुरात घरोघरी थ्रीडी राम मंदिर सोहळा, राजेश क्षीरसागरांनी दिली माहिती

आजीच्या घरातून ३ हजार क्विंटल तांदूळ, नेपाळमधून भेटवस्तूंनी सजवलेल्या ११०० थाळ्या; राम मंदिरात कुठून काय येणार?