Ram Mandir Latest News | Ram Mandir Inaugration Live Updates in Marathi | Ayodhya Ramlalla Pran Pratishtha | राम मंदिर अयोध्या | राम मंदिर अयोध्या प्राणप्रतिष्ठा

Ayodhya Ram Mandir News: अयोध्येतील राम मंदिराचे लोकार्पण होऊन दीड वर्ष उलटून गेले, तरी भाविकांची राम दर्शनाची आस अद्यापही कमी झालेली नाही. आजही अयोध्येत लाखो भाविक राम मंदिराच्या दर्शनासाठी येत आहेत. इतकेच नव्हे तर आता रामललासह श्रीरामांच्या भव्य राम दरबाराचे दर्शनही भाविकांना घेता येणार आहे. सन २०२५ च्या अखेरपर्यंत राम मंदिर परिसरातील सर्व कामे पूर्ण होणार असल्याचे म्हटले जात आहे. यातच मुंबईतील एका उद्योजकाने महादान केल्याची माहिती मिळाली आहे. या बड्या उद्योजकाने राम मंदिरासाठी तब्बल १७५ किलो सोने अर्पण केले आहे. परंतु, हे गुप्त दान केले असून, याची माहिती उघड करण्यात आलेली नाही. अयोध्येतील राम मंदिराला पैशांच्या स्वरुपात आणि सोने-चांदी स्वरुपात दान करणाऱ्या भाविकांची यादी हजारोंच्या घरात आहे. श्रीराम जन्मभूमी तीर्थ क्षेत्राला आपले नाव गुप्त ठेवण्याच्या अटीवरून एका भाविकाने महादान दिले आहे. मुंबईतील एका उद्योजकाने राम मंदिराला सुमारे १७५ किलो सोने दान केले आहे. या सोन्याची किंमत सुमारे १५० कोटींच्या घरात असल्याचे म्हटले जात आहे. उद्योजकाने दान केलेले सोने राम मंदिराच्या शिखर-कलशापासून ते दरवाजे आणि दाराच्या चौकटीपर्यंत वापरले गेले आहे. राम मंदिराच्या शिखरासह परिसरातील सहा मंदिरांचे शिखर-कलश सोन्याने सुशोभित केले आहेत. शेषावतार मंदिराच्या शिखराला सोन्याने सुशोभित करण्याचे काम अजूनही सुरू आहे.दहा कोटी रुपये घ्या अन् आमचे नाव द्याश्रीराम जन्मभूमी तीर्थक्षेत्राचे निमंत्रित सदस्य आणि मंदिर बांधकामाचे प्रभारी गोपाळ राव यांनी याबाबत माहिती दिली आहे. ते म्हणाले की, १७५ किलो सोने देणाऱ्या भाविकाने आपले नाव गुप्त ठेवण्याची विनंती केली आहे. दुसरीकडे, एका भाविकाने दहा कोटी रुपये दान केल्यानंतर निर्माणाधीन प्रेक्षागृहाला आपले नाव द्यावे, अशी अपेक्षा ठेवली आहे. परंतु, ही बाब श्रीराम जन्मभूमी तीर्थक्षेत्र ट्रस्टकडून फेटाळ्यात आली आहे. यापूर्वीही अनेकांनी दहा कोटींहून अधिक रुपयांचे दान दिले आहे. परंतु, कोणाचेही नाव कोणत्याही ठिकाणी देण्यात आलेले नाही. दरम्यान, अयोध्येच्या श्रीराम जन्मभूमी तीर्थक्षेत्राला २०२४-२५ मध्ये विविध स्त्रोतांकडून ३१६.५७ कोटी रुपयांपेक्षा जास्त उत्पन्न मिळाले आहे. विशेष म्हणजे या काळात श्रीराम मंदिर प्रकल्पाशी संबंधित बांधकाम कामावर सर्वाधिक ४५० कोटी रुपये खर्च करण्यात आले. तीर्थक्षेत्राच्या विश्वस्तांच्या बैठकीत सादर केलेल्या उत्पन्न आणि खर्चाच्या अंदाजपत्रकावरून ही माहिती मिळाली.

नेपाळच्या पंतप्रधानांचं भगवान श्रीरामांवरील वक्तव्य; अयोध्येतील संत समाज भडकला, धर्मादेश जारी

ओलींच्या 'रामायणा'वरून नेपाळमध्येच 'महाभारत', सोशल मीडियावर उमटताहेत अशा प्रतिक्रिया

'भारतातील अयोध्या बनावट, खरी अयोध्या नेपाळमध्ये; प्रभू राम भारतीय नव्हते, ते तर नेपाळी'

VIDEO: एक शरद; सगळे गारद! संजय राऊत यांनी घेतलेल्या मुलाखतीचा टीझर आला

बनाऐंगे मंदिर... अयोध्येत राममंदिराचे बांधकाम उद्यापासून सुरू

...तर इस्लामाबादमध्येही राम मंदिर उभारू, अयोध्येवरील पाकिस्तानच्या टिप्पणीमुळे संतप्त साधूसंतांचा इशारा

अयोध्येत राममंदिराचे बांधकाम सुरू

"रामजन्मभूमीत सापडलेले हे अवशेष म्हणजे आम्हाला हिंदू तालिबान म्हणणाऱ्यांना मिळालेले उत्तर’’

रामजन्मभूमीचे सपाटीकरण करताना सापडले प्राचीन मंदिराचे अवशेष

मोदी सरकारचा रामभक्तांना 'प्रसाद'; अयोध्येतील मंदिरासाठी दान देणाऱ्यांना मोठी भेट

कोरोनामुळे राम मंदिराच्या तयारीला 'ब्रेक', 30 एप्रिलला होणारे भूमीपूजन पुढे ढकलले

रामवाडीतील घराघरात रामजन्मोत्सव सोहळा