Ram Mandir Latest News | Ram Mandir Inaugration Live Updates in Marathi | Ayodhya Ramlalla Pran Pratishtha | राम मंदिर अयोध्या | राम मंदिर अयोध्या प्राणप्रतिष्ठा

नागपूर : नागपूरच्या विमानतळावरून अयोध्येच्या दिशेने विमान झेपावले. या विमानात बसलेल्या एक दोघांचा अपवाद वगळता सर्वच प्रवासी रामभक्तीत तल्लीन झाले. हा प्रसंग होता फ्लाइटमधील. रविवारी दुपारी अयोध्येच्या दिशेने निघालेल्या नागपूर-नाशिक आणि इंदोरमधील रामभक्तांनी चक्क आकाशातच रामनामाचा गजर करीत हवाई प्रवास करण्याचा अनोखा अनुभव घेतला.कोट्यवधी रामभक्तांनी अनेक वर्षे जे स्वप्न कुरवाळले ते प्रत्यक्षात अनुभवण्याची घटिका आता जवळ आली आहे. त्यामुळे रामभक्तांचा आनंद गगनात मावेनासा झाला आहे. प्रत्येक जण शक्य होईल, त्या पद्धतीने आपली भक्ती, श्रद्धा आणि आनंद व्यक्त करीत आहे. अयोध्येतील मंदिरात जाऊन रामलल्लाचे दर्शन घेण्यासाठी कोट्यवधी भाविकांची उत्सुकता शिगेला पोहोचली आहे. रामभक्त विमान कंपन्यांच्या मनमानी दरांना न जुमानता महागडे तिकीट घेऊन अयोध्येकडे झेपावत आहेत. या पार्श्वभूमीवर, देशभरातील विविध प्रांतांतील, असंख्य भाविकांसह नागपुरातीलही रामभक्तांनी आज येथील डॉ. बाबासाहेब आंबेडकर आंतरराष्ट्रीय विमानतळावर अयोध्येला जाण्यासाठी गर्दी केली. दुपारी १२:४५ वाजता इंदोर-लखनऊ मार्गे अयोध्येकडे हे विमान झेपावले. या विमानात मुंबई, पुणे, तर काही नाशिक येथील रामभक्तांचाही समावेश होता. पुढे त्यांना इंदोर विमानतळावर बसलेल्या रामभक्तांचीही साथ मिळाली आणि आकाशातून अयोध्येकडे झेपावलेल्या या विमानात लखनऊपर्यंत या प्रवासी भक्तांनी रामनामाचा गजर केला. महिला, पुरुष सर्वांनीच एक ताल, एक सुरात टाळ्यांचा ठेका धरत रामाचे भजन आणि हनुमंताचे दोहे गायले.अत्यानंद ... भारावलेले... विलक्षण अनुभवभव्यदिव्य श्री राम मंदिरात रामलल्लांची प्राणप्रतिष्ठा होताना अयोध्येत उपस्थित राहण्याचे भाग्य लाभले. हे जेवढे अलाैकिक आहे. तेवढाच आज विमान प्रवासात आलेला अनुभव अत्यानंद देणारा आहे. नभात झालेला रामनामाचा गजर म्हणजे विलक्षण अनुभव होय, अशी भावना या अभूतपूर्व प्रकाराचे साक्षीदार ठरलेले रामभक्त अविनाश शेगावकर यांनी ‘लोकमत’शी बोलताना व्यक्त केली.

अतूट मैत्रीची गाथा; पक्षकार परमहंस आणि हाशिम अंसारी एकाच रिक्षात बसून जायचे न्यायालयात

सर्वाेच्च न्यायालयाचा ऐतिहासिक निवाडा अन् ताे देणारे न्यायाधीश

प्रभू श्रीरामांच्या प्राणप्रतिष्ठा सोहळ्यानंतर सायंकाळही सुरेल होणार, २०० कलाकारांचे सादरीकरण

समाजातील कटुता संपावी; संपूर्ण देशात मनाच्या अयोध्येचे पुनर्निर्माण व्हावे- डॉ. मोहन भागवत

जैन समाजातर्फे अयोध्येत राेज ५ हजार भाविकांना भोजन

नाशिकच्या अनुष्काचा रामललासाठी पुष्पहार; PM मोदींनीही दिली कौतुकाची थाप

उत्कंठा शिगेला, राममय झाला अवघा महाराष्ट्र; तुळजापूरचे दाम्पत्य रामललाच्या पूजेसाठी अयोध्येत

प्रभूचरणी इतकेच मागणे..!

याचिका राजकीयदृष्ट्या प्रेरित; प्राणप्रतिष्ठा सोहळ्यासाठी जाहीर झालेली सुट्टी योग्यच

दोन दिवसांत एक लाख कोटींहून अधिक उलाढाल; प्राणप्रतिष्ठा सोहळ्यासाठी अवघा देश सज्ज

अयोध्येतील राम मंदिर निर्माणात नागपूरकर अभियंत्याचे योगदान

रामभक्तांची अनाेखी हवाई सफर; रामनामाच्या गजरात भजन अन् हनुमंतांचे दोहे