सोयाबीन उत्पादकांच्या पदरी दिवाळीनंतरही निराशा; पडत्या दराने हताश शेतकऱ्यांची भाववाढीची प्रतीक्षा कायम

हातातोंडाशी आलेला सोयाबीनचा घास अक्षरशः पावसाच्या पाण्यात वाहून गेला. जे काही शिल्लक राहिले, ते आता बाजारात कवडीमोल दरात विक्री करण्याची वेळ शेतकऱ्यांवर आली आहे. दिवाळीनंतर तरी भाववाढी होईल, अशी आशा होती. मात्र, पडते भाव कायम असल्याने शेतकऱ्यांच्या पदरी निराशा येत आहे.

यंदाच्या खरीप हंगामात झालेल्या अतिवृष्टीने शेतकऱ्यांचे मोठे नुकसान झाले. हातातोंडाशी आलेला सोयाबीनचा घास अक्षरशः पावसाच्या पाण्यात वाहून गेला. जे काही शिल्लक राहिले, ते आता बाजारात कवडीमोल दरात विक्री करण्याची वेळ शेतकऱ्यांवर आली आहे. दिवाळीनंतर तरी भाववाढी होईल, अशी आशा होती. मात्र, पडते भाव कायम असल्याने शेतकऱ्यांच्या पदरी निराशा येत आहे.

अशा प्रतिकूल परिस्थितीत शेतकऱ्यांना किमान समाधानकारक दर मिळेल, अशी अपेक्षा होती. मात्र, सध्या बाजारातसोयाबीनला कवडीमोल दर मिळत असल्याने शेतकरी हतबल झाले आहेत. खुल्या बाजारात ३ हजार २०० ते ३ हजार ७०० रुपये प्रति क्विंटल दर मिळत असून, हा दर हमीभावापेक्षा खूपच कमी आहे.

सोयाबीनची आवक वाढली

हिंगोली येथील बाजार समितीच्या मोंढ्यात सोयाबीनची आवक वाढत आहे. शनिवारी २०० क्विंटल सोयाबीन विक्रीसाठी आले होते. किमान ३ हजार ५०० ते ४ हजार २०० रुपयांच्या दरम्यान भाव मिळाला, तर सरासरी ३ हजार २०० रुपयांचा भाव राहिला. येणाऱ्या दिवसात मोंढ्यात सोयाबीनची आवक आणखी वाढण्याची शक्यता आहे.

'पिवळ्या सोन्या'चे भाव स्थिर...

गतवर्षी सरासरी १४ ते १५ हजार रुपये क्विंटलने विक्री झालेल्या हळदीला यंदा १२ हजार ५०० रुपये भाव मिळत आहे, तर जास्तीत जास्त १४ हजार रुपयापर्यंत भाव जात आहे. सध्या येथील संत नामदेव मार्केट यार्डात एक ते दीड हजार क्विंटलची आवक होत आहे.

हाती येणाऱ्या उत्पन्नातून लागवड खर्चही निघेना

• सोयाबीन उत्पादकांना एकरी जवळपास १५ ते १८ हजार रुपयांचा लागवड खर्च येतो. यंदा उत्पादनात झालेली घट आणि पडत्या भावामुळे शेतकऱ्यांना लागवड खर्चही निघत नसल्याचे चित्र आहे.

• त्यातच हमीभाव केंद्रही सुरू झाले नसल्याने बाजार समित्यांच्या मोंढ्यात, खुल्या बाजारात पडत्या दरात सोयाबीनची खरेदी करण्यात येत आहे.

राज्यातील आजची सोयाबीन आवक आणि बाजारभाव (स्त्रोत : कृषि पणन मंडळ महाराष्ट्र राज्य) 

बाजार समिती	जात/प्रत	परिमाण	आवक	कमीत कमी दर	जास्तीत जास्त दर	सर्वसाधारण दर
27/10/2025
छत्रपती संभाजीनगर	---	क्विंटल	91	3973	4200	4086
पुसद	---	क्विंटल	1630	3800	4250	4125
कारंजा	---	क्विंटल	14000	3600	4440	4195
मुदखेड	---	क्विंटल	7	4050	4050	4050
नायगाव	---	क्विंटल	215	4100	4350	4200
धुळे	हायब्रीड	क्विंटल	104	3500	4151	4005
सोलापूर	लोकल	क्विंटल	496	3400	4335	4100
अमरावती	लोकल	क्विंटल	20115	3650	4100	3875
अमळनेर	लोकल	क्विंटल	10	3800	4300	4300
हिंगोली	लोकल	क्विंटल	1450	3700	4200	3950
ताडकळस	नं. १	क्विंटल	910	3600	4300	4100
अकोला	पिवळा	क्विंटल	2583	4000	4360	4270
बीड	पिवळा	क्विंटल	648	3400	4350	4108
पिंपळगाव(ब) - औरंगपूर भेंडाळी	पिवळा	क्विंटल	41	4100	4401	4300
मनवत	पिवळा	क्विंटल	1252	3400	4300	4175
धरणगाव	पिवळा	क्विंटल	20	3500	4100	3600
नांदगाव	पिवळा	क्विंटल	9	4254	4254	4254
गंगापूर	पिवळा	क्विंटल	21	2951	4100	3850
किनवट	पिवळा	क्विंटल	16	3850	4100	3985
मुरुम	पिवळा	क्विंटल	810	3700	4280	4051
सेनगाव	पिवळा	क्विंटल	125	3850	4100	4000
सिंदखेड राजा	पिवळा	क्विंटल	883	3800	4300	4100
आष्टी-जालना	पिवळा	क्विंटल	31	4115	4255	4175
उमरखेड	पिवळा	क्विंटल	240	3850	4000	3950
उमरखेड-डांकी	पिवळा	क्विंटल	620	3850	4000	3950
राजूरा	पिवळा	क्विंटल	285	3050	3850	3525
काटोल	पिवळा	क्विंटल	1135	3151	4240	3850
सिंदी(सेलू)	पिवळा	क्विंटल	2000	2000	4350	4000

हेही वाचा : नोकरीला नाकारत विठ्ठलरावांनी धरली शेतीची वाट; भाजीपाला शेतीतून ३ एकरांत कमावले उत्पन्न २८ लाख