Tur Bajar bhav : राज्यातील बाजार समित्यांमध्ये तुरीच्या दरात मागील आठवड्यात किंचित सुधारणा दिसून आली आहे. विशेषतः लातूरबाजार समितीमध्ये तुरीच्या सरासरी दरात ३.३ टक्क्यांची वाढ नोंदविण्यात आली असून, यामुळे शेतकरी वर्गात समाधान व्यक्त होत आहे.(Tur Market)
लातूरमध्ये तुरीला मिळाला सर्वाधिक दर
१३ जुलै रोजी लातूर बाजार समितीत तुरीचा सरासरी दर ६ हजार ५५५ रुपये प्रति क्विंटल इतका नोंदविला गेला. मागणी वाढलेली असताना आवक मात्र, घटल्यामुळे या दरात सुधारणा झाली आहे. लातूरसह काही इतर बाजार समित्यांमध्येही सुधारणा दिसली, मात्र हिंगोलीत दरात घट झाल्याचे दिसून आले.(Tur Market)
साप्ताहिक दर तुलना (प्रमुख बाजार समित्या)
| बाजार समिती | सरासरी दर (रु./क्विंटल) |
|---|---|
| लातूर | ६,५५५ |
| उस्मानाबाद | ६,४४९ |
| अकोला | ६,४६५ |
| खामगाव | ५,७६० |
| हिंगोली | ५,२०८ |
लातूरमध्ये दर सर्वाधिक, तर हिंगोलीमध्ये सर्वात कमी नोंदविण्यात आले.
तुरीची आवक घटली; फक्त ९.६ हजार टन
राज्यातील अनेक बाजार समित्यांमध्ये तुरीची एकूण आवक १६ टक्क्यांनी घटली आहे. मागील आठवड्यात देशभरात तुरीची आवक १३.१ हजार टन होती. परंतु १३ जुलै अखेर ती केवळ ९.६ हजार टनांवर आली आहे. त्यामुळे पुरवठा घटल्याने दरात किंचित वाढ झाली आहे.
MSP च्या जवळपास बाजारभाव; शेतकऱ्यांना दिलासा
तुरीसाठी सरकारने २०२४-२५ हंगामासाठी किमान आधारभूत किंमत (MSP) ६ हजार ५०० रुपये प्रतिक्विंटल निश्चित केली आहे. सध्या बाजारभाव हा या पातळीवर स्थिर असल्यामुळे शेतकऱ्यांना थोडासा दिलासा मिळाल्याचे बोलले जात आहे.
हे ही वाचा सविस्तर : Tur bajar bhav : तूर आवकेत वाढ; कोणत्या बाजारात किती दर मिळाला? वाचा सविस्तर