Tamarind Market : अवकाळीच्या सावटात चिंचेचे दर तेजीत; जाणून घ्या कसा मिळतोय दर

Tamarind Market : चिंचकाढणीचा हंगाम सुरू असतानाच अवकाळी पावसाने शेतकऱ्यांची चिंता वाढवली आहे. काढणीवर परिणाम होत असतानाही बाजारात चिंचेच्या दरात मोठी तेजी पाहायला मिळत असून उत्कृष्ट दर्जाच्या चिंचेला प्रतिक्विंटल चांगला भाव मिळत आहे. मात्र, पावसामुळे दर्जा घसरण्याची भीतीही निर्माण झाली आहे. वाचा सविस्तर (Tamarind Market)

Tamarind Market : लातूर जिल्ह्यात सध्या चिंचकाढणीचा हंगाम सुरू असून बाजारात चिंचेला चांगले दर मिळताना दिसत आहेत. गुरुवारी कृषी उत्पन्न बाजार समितीत उत्कृष्ट दर्जाच्या चिंचेला प्रतिक्विंटल तब्बल १५ हजार रुपयांपर्यंत कमाल दर मिळाला. (Tamarind Market)

मात्र, गेल्या दोन दिवसांपासून सुरू असलेल्या अवकाळी पावसामुळे चिंच उत्पादक शेतकरी अडचणीत सापडला आहे.(Tamarind Market)

चांगल्या उत्पादनाची आशा; पण पावसाने घातला अडथळा

यंदा पावसाळ्यात समाधानकारक पाऊस झाल्यामुळे चिंचेचे उत्पादन चांगले येईल, अशी अपेक्षा शेतकऱ्यांना होती. शिवारात चिंचकाढणीच्या कामालाही वेग आला होता. मात्र, अवकाळी पावसामुळे काढणीची कामे थांबली असून प्रक्रियेलाही खीळ बसली आहे.

गुरुवारी बाजार समितीत ४६२ क्विंटल चिंचेची आवक झाली. दर्जानुसार दर पुढीलप्रमाणे होते:

किमान दर : ८,००० रु. प्रति क्विंटल

सर्वसाधारण दर : ११,००० रु. प्रति क्विंटल

कमाल दर : १५,००० रु. प्रति क्विंटल

दर तेजीत, पण शेतकरी संकटात

एकीकडे बाजारात दर तेजीत असताना, दुसरीकडे अवकाळी पावसामुळे काढणी पूर्णपणे ठप्प झाली आहे. हंगाम अंतिम टप्प्यात असतानाच पावसाने हजेरी लावल्याने झाडांवरून चिंच पाडण्याचे काम बंद पडले आहे.

दर्जा घसरण्याची भीती

पावसामुळे चिंच भिजल्यास

रंग बदलतो

बुरशी लागण्याची शक्यता वाढते

गुणवत्तेत घट होते

यामुळे बाजारात कमी दर मिळण्याची भीती निर्माण झाली आहे. ओलाव्यामुळे व्यापारी खरेदी करतानाही सावध भूमिका घेत आहेत. परिणामी शेतकरी तसेच झाडे खरेदी करणारे व्यापारी दोघांनाही नुकसान सहन करावे लागू शकते.

चालू आठवड्यातील आवक व दर

दिनांक	आवक (क्विंटल)	कमाल दर (₹)
२३ फेब्रुवारी	९०	१०,०००
२४ फेब्रुवारी	२५७	१३,५०१
२५ फेब्रुवारी	१९१	११,०००
२६ फेब्रुवारी	४६२	१५,०००

चिंचोक्यांनाही मागणी

गुरुवारी बाजारात २०७ क्विंटल चिंचोक्यांची आवक झाली.

कमाल दर : ३,१०० रु. प्रति क्विंटल

सर्वसाधारण दर : सुमारे ३,००० रु. प्रति क्विंटल

पुढील काही दिवसांत चिंच आणि चिंचोक्यांच्या दरात आणखी वाढ होण्याची शक्यता आहे.

आव्हान काय?

सध्याची परिस्थिती शेतकऱ्यांसाठी मिश्र स्वरूपाची आहे. बाजारात चांगले दर मिळत असले तरी अवकाळी पावसामुळे उत्पादनाच्या गुणवत्तेवर परिणाम होण्याचा धोका वाढला आहे. त्यामुळे हवामान स्थिर राहणे शेतकऱ्यांसाठी अत्यंत महत्त्वाचे ठरणार आहे.

हे ही वाचा सविस्तर : Soybean Market Update : सोयाबीन दरात कुठे तेजीत तर कुठे मंदीत; जाणून घ्या सविस्तर

अधिक वाचा : Chia Seed Market : हळदनंतर आता चियाची एंट्री; बाजारात पहिल्याच दिवशी जबदरदस्त दर