Soybean Kharedi : नवीन हंगामातील सोयाबीन खरेदी केंद्राला प्रारंभ; कसा मिळाला दर वाचा सविस्तर

Soybean Kharedi : केज तालुक्यातील जिवाचीवाडी आणि चांदूर रेल्वे कृषी बाजार समितीत नवीन हंगामातील सोयाबीन खरेदीला सुरुवात झाली आहे. पहिल्या दिवशी ४ हजार २०० ते ४ हजार ३७१ प्रति क्विंटल दराने खरेदी झाली, ज्यामुळे शेतकऱ्यांच्या चेहर्‍यावर समाधान दिसून आले. (Soybean Kharedi)

जिवाचीवाडी येथे नवीन खरेदी केंद्र सुरू

केज तालुक्यातील जिवाचीवाडी येथे सोयाबीन खरेदीला सुरुवात झाली आहे. राम अनंता चौरे यांनी 'जय भगवान बाबा' नावाने नवीन सोयाबीन खरेदी केंद्राचे उद्घाटन केले. पहिल्या दिवशी शेतकऱ्यांकडून येणाऱ्या सोयाबीनला दर ४ हजार २००  प्रति क्विंटल अशी बोली लागली.

या खरेदी केंद्राची स्थापना जिवाचीवाडी, तुकूचीवाडी, रानुबाईची वाडी आणि परिसरातील शेतकऱ्यांसाठी केली गेली असून त्यातून स्थानिक शेतकऱ्यांना सोयाबीन विक्रीसाठी सुविधा उपलब्ध होणार आहेत. 

यावेळी अंकुश मोराळे, श्रीराम चाटे, गोकुळ सारूक, राजाभाऊ चौरे, शेषेराव चौरे, पिंटू महाराज, राम चौरे व अभिमान चौरे यांसह अनेक स्थानिक शेतकरी उपस्थित होते.

चांदूर रेल्वे कृषी बाजार समितीमध्ये उत्स्फूर्त प्रतिसाद

चांदूर रेल्वे येथील कृषी उत्पन्न बाजार समितीत बुधवारी (२४ सप्टेंबर) रोजी नवीन हंगामातील सोयाबीन खरेदीला औपचारिक प्रारंभ करण्यात आला. 

उद्घाटन स्थानिक कृषी नेते वीरेंद्र जगताप यांच्या हस्ते करण्यात आले, तसेच समितीचे सभापती गणेश आरेकर उपस्थित होते.

पहिल्या दिवशी शेतकरी प्रदीप शेंडे (रा. मालखेड) यांचा शाल, श्रीफळ देऊन सत्कार करण्यात आला. खरेदी प्रक्रियेत सचिन झोपाटे यांच्या अडतीमधील शेतमाल अनिल गावंडे यांनी सर्वाधिक ४,३७१ प्रति क्विंटल अशी बोली लावून खरेदी केली.

नवीन हंगामाच्या सुरुवातीला झालेल्या या सोयाबीन खरेदीला शेतकऱ्यांकडून उत्स्फूर्त प्रतिसाद मिळाला. बाजार समितीच्या माध्यमातून शेतकऱ्यांना योग्य दर मिळवून देण्यासाठी प्रयत्नशील राहण्याचे आश्वासन वीरेंद्र जगताप यांनी दिले.

कार्यक्रमाला रवींद्र देशमुख (जाधव), राजेंद्र राजनेकर, प्रभाकर वाघ, रामेश्वर वानखडे, रावसाहेब शेळके, मंगेश धावके, अतुल चांडक, वर्षा राव, पूजाता देशमुख, वसंत गाडवे, तेजस भेंडे, आशुतोष गुल्हाने, हरिभाऊ गवई, प्रशांत कोल्हे, सुभाष अग्रवाल, श्यामसुंदर पनपालिया, सुरेश जाधव, चेतन इंगळे यांसह व्यापारी, अडते, कर्मचारी व शेतकरी मोठ्या संख्येने उपस्थित होते.

शेतकऱ्यांसाठी महत्त्वाचे

* जिवाचीवाडी व चांदूर रेल्वे येथील खरेदी केंद्रामुळे स्थानिक शेतकऱ्यांना सोयाबीन विक्रीसाठी नवे पर्याय उपलब्ध झाले आहेत.

* यामुळे बाजारभावातील पारदर्शकता वाढेल आणि शेतकऱ्यांना त्यांच्या उत्पादनाला योग्य किंमत मिळण्याची संधी निर्माण होईल.

* शेतकरी यंदाच्या हंगामात आपल्या पिकांचे आर्थिक व्यवस्थापन अधिक प्रभावीपणे करू शकतील. 

हे ही वाचा सविस्तर : Ambiya Bahar Crop Insurance : २०२४ आंबिया बहर पीक विमा; विमा परताव्यात विलंब वाचा सविस्तर