Soyabean Market : सन २०२४-२५ मध्ये सोयामीलच्या निर्यातीत मागील वर्षाच्या तुलनेत घट झाली आहे. सन २०२३-२०२४ मध्ये १९.७ लाख टन सोयापेंड निर्यात झाली आहे. सन २०२४-२५ मध्ये निर्यात १८.० लाख टन असून ती मागील वर्षाच्या तुलनेत कमी आहे. सन २०२५-२६ हंगामासाठी किमान आधारभूत किंमत ५३२८ रुपये प्रति क्विंटल आहे.
मागील वर्षीच्या तुलनेत चालू वर्षी सोयाबीनच्या किंमती कमी आहेत. मागील तीन वर्षातील सप्टेबर महिन्यातील सरासरी किंमती सप्टेंबर २०२२ मध्ये ५ हजार २५८ रुपये प्रति क्विंटल, सप्टेंबर २०२३ मध्ये ४ हजार ८६० रुपये प्रति क्विंटल, सप्टेंबर २०२४ मध्ये ४ हजार ६४४ रुपये प्रति क्विंटल असा दर मिळाला.
तर या महिन्यात म्हणजेच सप्टेंबर २०२५ मध्ये लातूर बाजारातील संभाव्य किंमती - सप्टेंबर २०२५ मध्ये ४ हजार ५१५ ते ४ हजार ८९५ रुपये प्रति क्विंटल मिळण्याची शक्यता आहे.
भारतात मागील वर्षीच्या तुलनेत चालू वर्षी सोयाबीनची मासिक आवक कमी दिसून येते. भारतात सन २०२५-२६ मध्ये सोयाबीनचे उत्पादन १२५ लाख टन उत्पादन होण्याची शक्यता वर्तवली आहे. जे मागील वर्षीच्या तुलनेत १ टक्क्यांनी कमी आहे.
सोयाबीनचे उत्पादन अमेरिकन कृषी विभागाच्या, (USDA, ऑगस्ट. २०२५) अहवालानुसार सन २०२५-२६ मध्ये, जगात ४२७ लाख टन सोयाबीनचे उत्पादन होण्याची शक्यता वर्तविली आहे. जे मागील वर्षीच्या तुलनेत ०.९ टक्केनी (लाख टन, २०२३-२४) अधिक आहे. सन २०२३-२४ च्या तुलनेत सन २०२४- २५ मध्ये सोयाबीन तेलाच्या आयातीत तुलनेत ५४ टक्क्यांनी वाढ आहे.
- मा. बाळासाहेब ठाकरे कृषि व्यवसाय व ग्रामीण परिवर्तन (स्मार्ट) प्रकल्पातील “बाजार माहिती विश्लेषण व जोखीम निवारण कक्षा अंतर्गत" शेतमालाच्या किंमतीचा अभ्यास करून सप्टेंबर २०२५ या कालावधीसाठी सोयाबीन पिकाचा संभाव्य किंमतीचा सुधारित अंदाज वर्तविला आहे.