Soyabean Market : भारतात सन २०२५-२६ मध्ये सोयाबीनचे उत्पादन १२५ लाख टन उत्पादन होण्याची शक्यता वर्तवली आहे. जे मागील वर्षीच्या तुलनेत १ टक्क्यांनी कमी आहे. सन २०२४-२५ हंगामासाठी किमान आधारभूत किंमत ४८९२ रुपये प्रति क्विंटल आहे.
मागील तीन वर्षातील जुलै महिन्यातील सरासरी किंमती पाहिल्या असता ऑक्टोबर - डिसेंबर २०२२ मध्ये ५४२४ रुपये प्रति क्विंटल, ऑक्टोबर-डिसेंबर २०२३ रुपये ४८५५ रुपये प्रति क्विंटल, ऑक्टोबर-डिसेंबर २०२४ मध्ये ४२३२ रुपये प्रति क्विंटल अशा होत्या.
तर यंदा म्हणजेच ऑक्टोबर ते डिसेंबर २०२५ मध्ये लातूर बाजारातील संभाव्य किंमती - ४३०० ते ५०५० रुपये राहतील, असा अंदाज आहे. सदर संभाव्य किंमत अंदाज हा FAQ ग्रेडच्या सोयाबीनसाठी आहे.
सोयाबीनचे उत्पादन आणि निर्यातीबाबत सन २०२४-२५ मध्ये सोयामीलच्या निर्यातीत मागील वर्षाच्या तुलनेत घट झाली आहे. सन २०२३-२०२४ मध्ये १९.७ लाख टन सोयापेंड निर्यात झाली आहे. सन २०२४-२५ मध्ये निर्यात १८.० लाख टन असून ती मागील वर्षाच्या तुलनेत कमी आहे.
अमेरिकन कृषी विभागाच्या, (USDA, जून. २०२५) अहवालानुसार सन २०२५-२६ मध्ये, जगात ४२६८ लाख टन सोयाबीनचे उत्पादन होण्याची शक्यता वर्तविली आहे. जे मागील वर्षीच्या तुलनेत १.४ टक्केनी (लाख टन, २०२३-२४) अधिक आहे.
या कारणामुळे किंमतीवर परिणामसन २०२३-२४ च्या तुलनेत सन २०२४- २५ मध्ये सोयाबीन तेलाच्या आयातीत तुलनेत ५४ टक्केनी वाढ आहे. सोयाबीन हे आंतरराष्ट्रीय स्तरावरील महत्वाचे तेलबिया पिक आहे. अमेरिका, ब्राझील, आर्जेन्टिना, चीन व भारत या देशात सोयाबीनचे मोठ्या प्रमाणात उत्पादन होते.
या प्रमुख देशातून जागतिक उत्पादनाच्या सुमारे ९० टक्के सोयाबीनचे उत्पादन होते. त्यामुळे या देशातील सोयाबीनची मागणी, पुरवठा व उपभोग या घटकामध्ये होणाऱ्या बदलाचा सोयाबीनच्या किंमतीवर परिणाम होत असतो.