Join us
Daily Top 2Weekly Top 5

Shetmal Kharedi Kendra : शेतकऱ्यांना मोठा दिलासा; फुलंब्री–करमाडमध्ये भरडधान्य खरेदी केंद्रांचा शुभारंभ

By ऑनलाइन लोकमत | Updated: November 30, 2025 15:42 IST

Shetmal Kharedi Kendra : फुलंब्री आणि करमाड परिसरातील शेतकऱ्यांसाठी मोठी खुशखबर आहे. शासनाने मका, ज्वारी, बाजरी यांसह भरडधान्याच्या हमीभाव खरेदी केंद्रांना मंजुरी दिली असून लवकरच प्रत्यक्ष खरेदीला सुरुवात होणार आहे. खासगी व्यापाऱ्यांच्या कमी दरामुळे होणारा तोटा आता थांबणार आहे. (Shetmal Kharedi Kendra)

Shetmal Kharedi Kendra : फुलंब्री आणि करमाड (ता. छत्रपती संभाजीनगर) या भागातील शेतकऱ्यांसाठी मोठी दिलासादायक बातमी समोर आली आहे. (Shetmal Kharedi Kendra)

शासनाने येथे मका व इतर भरडधान्याच्या हमीभाव खरेदी केंद्रांना मंजुरी दिली असून अत्यंत लवकरच प्रत्यक्ष खरेदीला सुरुवात होणार आहे. (Shetmal Kharedi Kendra)

यापूर्वीच छत्रपती संभाजीनगर बाजार समितीच्या जाधववाडी येथे सोयाबीन खरेदी केंद्र सुरू झाले आहे. आता खरीप हंगामातील इतर प्रमुख धान्य—मका, ज्वारी, बाजरी यांचीही शासनाकडून हमीभावाने खरेदी होणार असल्याने शेतकऱ्यांची आर्थिक चिंता कमी होणार आहे.(Shetmal Kharedi Kendra)

खासगी केंद्रांमुळे तोटा

खासगी व्यापाऱ्यांकडून शेतमालावर आधारभूत किमतीपेक्षा कमी दर दिले जात असल्याने मागील काही वर्षांत शेतकऱ्यांना मोठा तोटा सहन करावा लागत होता.

हा प्रश्न सोडवण्यासाठी फुलंब्री विधानसभा मतदारसंघाच्या आमदार अनुराधा चव्हाण यांनी फुलंब्री व करमाड येथे सरकारी भरडधान्य खरेदी केंद्र सुरू करण्याची मागणी शासनाकडे केली होती.

शासनाने ही मागणी सकारात्मकपणे मान्य करून दोन्ही ठिकाणी खरेदी केंद्रे सुरू करण्याचा निर्णय घेतला आहे.

या दराने होणार सरकारी खरेदी (हमीभाव – प्रति क्विंटल)पिक    दर (₹)मका    २४०० रुपयेज्वारी (संकरित)    ३६९९ रुपयेज्वारी (मालदांडी)    ३७४९ रुपयेबाजरी    २७७५ रुपयेरागी    ४८८६ रुपये

शेतकऱ्यांना मिळणार तिहेरी फायदा

हमीभावाने खरेदी – बाजारातील कमी दरांचा तोटा होणार नाही.

वाहतुकीचा खर्च कमी – केंद्रे जवळ आल्याने अनावश्यक प्रवास टळेल.

वेळेत विक्रीची सोय – काढणीच्या हंगामात आर्थिक तरलता वाढणार.

आगामी काही दिवसांत सुरु होणार प्रत्यक्ष खरेदी

संबंधित मंडळे आणि विभागांनी खरेदी केंद्रांसाठी प्राथमिक तयारी सुरू केली असून पुढील काही दिवसांत अधिकृत उद्घाटनानंतर शेतकऱ्यांना त्वरित खरेदीची सुविधा उपलब्ध होणार आहे.

हे ही वाचा सविस्तर : Soybean Market : सोयाबीनची आवक घटली; बाजार समितीवरील ताण हलका वाचा सविस्तर

English
हिंदी सारांश
Web Title : Government Rate Grain Centers to Start in Phulambri, Karmad

Web Summary : Government approves grain procurement centers in Phulambri and Karmad at government rates. This benefits farmers facing lower prices at private centers. Includes rates for maize, sorghum, pearl millet, and finger millet.
टॅग्स :शेती क्षेत्रशेतकरीबाजारपुणे कृषी उत्पन्न बाजार समिती