Hingoli Halad Project : हळद उत्पादकांसाठी खुशखबर; हिंगोलीत उभारणार ५ हजार टन क्षमतेचे भव्य गोदाम

Hingoli Halad Project : हिंगोली जिल्ह्यातील हळद उत्पादकांसाठी मोठा दिलासा देणारी बातमी समोर आली आहे. लवकरच ५ हजार मेट्रिक टन क्षमतेचे आधुनिक गोदाम उभारले जाणार असून, यामुळे साठवणूक सुविधा वाढून शेतकऱ्यांना चांगला दर मिळण्याची मोठी संधी निर्माण होणार आहे.(Hingoli Halad Project)

Hingoli Halad Project : हिंगोली जिल्ह्यातील हळद उत्पादनाला देशपातळीवर नवी ओळख मिळवून देण्यासाठी प्रशासनाने महत्त्वाचे पाऊल उचलले आहे.(Hingoli Halad Project)

हळदीच्या साठवणुकीसाठी ५ हजार मेट्रिक टन क्षमतेचे आधुनिक गोदाम उभारण्यात येणार असल्याची माहिती जिल्हाधिकारी राहुल गुप्ता यांनी पत्रपरिषदेत दिली.(Hingoli Halad Project)

हळद साठवणुकीसाठी मोठी सुविधा

हिंगोलीत मोठ्या प्रमाणात हळद उत्पादन होत असले तरी साठवणुकीच्या अभावामुळे शेतकऱ्यांना योग्य दर मिळण्यात अडचणी येत होत्या.

हे लक्षात घेऊन ५ हजार मेट्रिक टन क्षमतेचे गोदाम उभारले जाणार

शेतकऱ्यांना हळद सुरक्षित साठवता येणार

बाजारभाव वाढेपर्यंत उत्पादन ठेवण्याची सुविधा मिळणार

यामुळे शेतकऱ्यांना आर्थिकदृष्ट्या मोठा फायदा होणार आहे.

'हिंगोली यलो गोल्ड' ब्रँडची निर्मिती

हिंगोली जिल्ह्यातील हळदीला वेगळी ओळख मिळवून देण्यासाठी ‘हिंगोली यलो गोल्ड’ हा ब्रँड विकसित केला जात आहे.

स्वयंसहाय्यता बचत गटांच्या माध्यमातून

हळदीपासून आरोग्यवर्धक आणि सौंदर्यवर्धक ८ उत्पादने तयार

आकर्षक पॅकेजिंगमध्ये बाजारात सादर

नैसर्गिक उत्पादनांना मोठी मागणी निर्माण करण्याचा प्रयत्न

देशपातळीवर ओळख निर्माण करण्याचा प्रयत्न

हळदीसाठी पारंपरिकरित्या सांगली जिल्ह्याचे नाव घेतले जाते.

मात्र सांगलीत हळद लागवड: ८ हजार हेक्टर

हिंगोलीत हळद लागवड: ४५ हजार हेक्टर

यामुळे हिंगोली हा खरा हळद उत्पादक जिल्हा असल्याचे अधोरेखित करण्यासाठी प्रशासन प्रयत्नशील आहे.

शेतकऱ्यांना मिळणार नवी बाजारपेठ

या उपक्रमामुळे हळदीला ब्रँडिंग मिळणार

देशभरात बाजारपेठ उपलब्ध होणार

शेतकऱ्यांच्या उत्पन्नात वाढ होणार

तसेच राज्य आणि देशपातळीवरील धोरणांमध्ये हिंगोली जिल्ह्याचा विचार व्हावा, यासाठीही प्रयत्न सुरू आहेत.

हिंगोलीच्या हळदीला 'यलो गोल्ड' म्हणून ओळख मिळवून देण्याचा हा उपक्रम शेतकऱ्यांसाठी फायदेशीर ठरणार आहे. 

साठवणूक सुविधा, ब्रँडिंग आणि बाजारपेठ या तिन्ही गोष्टी एकत्र आल्यास हळद उत्पादकांना मोठा आर्थिक लाभ मिळण्याची शक्यता आहे.

हे ही वाचा सविस्तर :Hingoli Halad Project : हिंगोलीची हळद ठरतेय 'सोनं'; महिलांच्या हातून उभा राहतोय कोटींचा ब्रँड

अधिक वाचा : Agriculture Planning Tips : शेतकऱ्यांनो, संकटे आहेतच; 'या' पद्धतीने करा शेतीचं प्लॅनिंग