Garlic Farming : लाडसावंगी परिसरातील एका शेतकऱ्याने लसूण लागवडीमध्ये(Garlic Cultivation) नवा प्रयोग करत भरघोस उत्पादन मिळवले आहे.(Garlic Farming)
पारंपरिक सरी पद्धतीऐवजी बेड पद्धतीचा अवलंब करत त्यांनी उत्पादनात लक्षणीय वाढ साधली असून, हा प्रयोग आता इतर शेतकऱ्यांसाठी मार्गदर्शक ठरत आहे.(Garlic Farming)
किरण पडूळ यांचा यशस्वी कृषी प्रयोग
लाडसावंगी येथील शेतकरी किरण पडूळ यांनी २९ नोव्हेंबर रोजी एक एकर क्षेत्रात बेड पद्धतीने लसूण लागवड केली. यासाठी त्यांनी सुमारे अडीच क्विंटल बियाण्याचा वापर केला आणि ठिबक सिंचनाची सुविधा उभारली.
आज या पिकाने चांगली वाढ घेतली असून, बाजारात विक्रीसाठी तयार झाले आहे.
पारंपरिक सरी पद्धतीपेक्षा फायदेशीर
* सामान्यतः लसूण लागवड सरी पद्धतीने केली जाते.
* मात्र या पद्धतीत जास्त पाण्याची गरज भासते.
* आंतर मशागतीचा खर्च वाढतो
* वेळ आणि श्रम अधिक लागतात
बेड पद्धत
* याउलट बेड पद्धतीत फक्त दोन वेळा आंतर मशागत पुरेशी ठरते.
* ठिबक सिंचनामुळे पाण्याची बचत होते
* वेळ आणि खर्च दोन्ही कमी होतात
उत्पादनात वाढ, उत्पन्नात मोठी झेप
या पद्धतीमुळे एकरी सुमारे ४० क्विंटल उत्पादन अपेक्षित असून, यापासून ४ ते ५ लाख रुपये उत्पन्न मिळण्याचा अंदाज आहे.
लसूण लागवडीपासून काढणीपर्यंत एकूण खर्च सुमारे ६० हजार रुपये झाला असल्याचे किरण पडूळ यांनी सांगितले.
रोगराई कमी, उत्पादन हमखास
बेड पद्धतीमुळे पिकावर रोगराईचा प्रादुर्भाव कमी दिसून येतो. त्यामुळे उत्पादन अधिक सुरक्षित आणि स्थिर राहते.
या प्रयोगाबाबत कृषी सहायक सुधाकर पाटील यांनीही शेतकऱ्यांना बेड पद्धतीचा अवलंब करण्याचा सल्ला दिला आहे.
इतर शेतकऱ्यांसाठी आदर्श
लाडसावंगीतील हा प्रयोग सध्या चर्चेचा विषय ठरत असून, कमी खर्चात अधिक उत्पादन मिळवण्यासाठी बेड पद्धतीचा वापर करण्याकडे शेतकऱ्यांचा कल वाढत आहे.
नवीन तंत्रज्ञान आणि पद्धतीचा योग्य वापर केल्यास शेतीतूनही मोठा आर्थिक फायदा मिळू शकतो, हे किरण पडूळ यांच्या प्रयोगातून पुन्हा एकदा सिद्ध झाले आहे.
अधिक वाचा : AI Farming : परंपरेला टेक्नॉलॉजीची जोड; 'एआय' गुढीने वेधलं सगळ्यांचं लक्ष
Web Summary : A farmer in Ladsavangi revolutionized garlic cultivation using the bed method instead of traditional ridges. This increased yield significantly while reducing water usage, labor, and costs. The innovative approach is now a model for other farmers, promising higher profits and stable production due to reduced disease.
Web Summary : लाडसावंगी के एक किसान ने पारंपरिक तरीकों के बजाय बेड विधि का उपयोग करके लहसुन की खेती में क्रांति ला दी। इससे पानी की बचत हुई, श्रम कम लगा और उपज में भारी वृद्धि हुई। यह नवाचारी दृष्टिकोण अन्य किसानों के लिए एक मॉडल है, जो अधिक लाभ और कम रोग के कारण स्थिर उत्पादन का वादा करता है।