गूळ पावडर कशी तयार केली जाते, गुळ, साखरेबरोबरच गूळपावडरीतून किती नफा मिळतो? 

jaggery powder : गूळ पावडर यांसारखे मूल्यवर्धित पदार्थ तयार केले तर निश्चितच शेतकऱ्याला अतिरिक्त उत्पन्न मिळून नफा वाढेल.

Jaggery Powder : ऊस उत्पादनाबरोबर पूरक व्यवसाय म्हणून गूळनिर्मितीचे सुधारित तंत्र अवलंबल्यास गुळाबरोबर काकवी व गूळ पावडर यांसारखे मूल्यवर्धित पदार्थ तयार केले तर निश्चितच शेतकऱ्याला अतिरिक्त उत्पन्न मिळून नफा वाढेल.

गुळ पावडर प्रक्रिया

• गुळापासून तयार केलेल्या पावडरचा (भुकटी) रंग विशिष्ट गुणधर्मामुळे गुळापेक्षा अधिक उठावदार असतो. 
• गूळ पावडरमध्ये ओलाव्याचे प्रमाण अत्यल्प असल्याने साठवणक्षमता चांगली असते. 
• गूळ पावडर तयार करावयाची असल्यास गूळ साच्यात न भरता वाफ्यातच थंड होऊ द्यावा. 
• गूळ वाफ्यात घट्ट होण्यापूर्वीच दाताळ्याने उभ्या व आडव्या रेघा मारून गूळ हलवून घेऊन लहान लहान तुकडे करावेत. 
• हे तुकडे वाफ्यात घट्ट झाल्यानंतर सूर्यप्रकाशात कापडाच्या आवरणाखाली ठेऊन वाळवावेत. 
• वाळलेला गूळ लाकडी बडवण्याने बारीक करावा. 
• बारीक केलेला गूळ वेगवेगळ्या चाळणीतून चाळून घेऊन दोन तीन दिवस वाळवून त्यातील आर्द्रतेचे प्रमाण कमी करावे. 
• पावडरीचे वर्गवारीनुसार पॉलीथीनच्या आकर्षक पिशव्यांतून पॅकिंग करून बाजारात विक्रीसाठी पाठवावे.

गुळ पावडरीच्या किमती 

250 ग्रॅम : सुमारे 55 रुपये 500 ग्रॅम : 52 ते 95 रुपयापर्यंत1 किलो : सुमारे 190 किंवा त्याहून अधिक (सेंद्रिय, नॉन ऑरगॅनिक, ब्रँडनुसार)

(किंमतीमध्ये त्या त्या परिसरानुसार, व्हरायटीनुसार बदल होऊ शकतात. )

- प्रा. एस. एस. प्रचंड, डॉ. डी. आर. निकम, डॉ. व्ही एन. गमे,सहाय्यक प्राध्यापक, मराठा विद्या प्रसारक समाजाचे कर्मयोगी हुलाजी सिताराम पाटील, कृषी महाविद्यालय, नाशिक