Big Boss Marathi: 'यांना कुणीतरी आवरा'; रेशम-राजेशचे चाळे पाहून प्रेक्षकांचा संताप

घरातील वाद ज्या प्रमाणे विकोपाला जातात तसाच आणखी एक वाद सध्या टोकाला गेला आहे.

मुंबई- कलर्स मराठीवरीलबिग बॉस मराठी हा रिअॅलिटी शो एका नव्या विषयाने वादाच्या भोवऱ्यात सापडला आहे. घरातील वाद ज्या प्रमाणे विकोपाला जातात तसाच आणखी एक वाद सध्या टोकाला गेला आहे. शोदरम्यानची काही आक्षेपार्ह दृश्यही समोर आले आहेत. विशेषत: राजेश शृंगारपुरे आणि रेशम टीपणीस यांच्यातील रोमान्स अक्षरश: मर्यादांचे उल्लंघन करणार असल्याने प्रेक्षकांमध्ये त्यांच्याविषयी काहीसा विरोधाचा सूर आहे. नाशिकमध्ये एनबीटी विधी महाविद्यालयात कायद्याचे शिक्षण घेणाऱ्या एका विद्यार्थ्याने तर थेट कलर्स मराठी वाहिनीच्या सर्व संचालकांविरोधातच तक्रार करताना शोदरम्यान, प्रसारित केलेल्या आक्षेपार्ह आणि अश्लील चित्रफितीच्या चौकशीची मागणी केली आहे. 

#MarathiBiggBoss
Are ya Rajesh LA manusaki Sanga re
Manusaki
Manusaki
Lekurbalacha ashes na mag tuzi manusaki KY ghas charayala geli ka

— Nilesh (@Nilesh48305542) May 16, 2018

Cheap game #MarathiBiggBoss

— vipula (@vipulakeny) May 16, 2018

 

सोशल मीडियावरून लोक तीव्र शब्दात प्रतिक्रिया व्यक्त करत आहेत. बिग बॉस या शोमुळे कलर्स मराठी या वाहिनीवरही निशाणा साधला जातो आहे. बिग बॉस हा रिअॅलिटी शो घरात सगळ्यांबरोबर बघतो, त्यामुळे अशी दृश्य दाखवणं किती अयोग्य आहे, असं नेटीझन्सकडून मत मांडलं जातं आहे. तसंच अनेकांनी या शोवर आक्षेपार्ह शब्दात टीकाही केली आहे. नेटीझन्सने अभिनेता राजेश श्रृगांरपुरेवर तिखट शब्दात टीका केली आहे. तसंच राजेशला मुलं-बाळ आहेत त्याने याच भान राखून वागाव, असा सल्लाही ट्विटरवरून दिला जातोय. राजेश व रेशम हे दोघे ज्या प्रकारे बिग बॉसच्या घरात वागत आहेत त्यातून विवाहबाह्य संबंधांबद्दलचा संदेश जात असल्याचं युजर्सचं म्हणणं आहे. त्यामुळे राजेश-रेशमला घरातून बाहेर काढा, अशी कडवट प्रतिक्रिया नेटकऱ्यांनी दिली आहे. 

#MarathiBiggBoss
Chipnis and Rajesh haklwun lawa manjrekar
Nahi tar trp kami hoil
Aani Marathi big boss fail hoil pahilach season

— Nilesh (@Nilesh48305542) May 16, 2018

#marathibiggboss. Pls have sum decency Yaar...wth.we r watching wt r full family

— Riya Dixit (@RiyaDixit19) May 15, 2018

 

प्रकरण नेमकं काय? 
ऋषिकेश देशमुखने केलेल्या तक्रार अर्जात  नमूद केलं आहे की, १४ मे २०१८ रोजी मी नियमितप्रमाणे दैनंदिन कामकाज आटपून कुटुंबीयांसमवेत निवांत वेळेत टीव्ही बघत होतो. कलर्स मराठीने ‘बिग बॉस मराठी’ या शोबद्दल केलेल्या जाहिरातीवरून मला शोची माहिती मिळाली. या जाहिरातीत कलर्स मराठी या वाहिनीने प्रेक्षकांना हा शो बघण्याचे आवाहन केले होते. हा शो रात्री ९.३० वाजेदरम्यान प्रसारित केला जातो. सदर दिवशी हा शो सुरू असताना रात्री दहा वाजेच्या सुमारास शोमधील कलाकार राजेश शृंगारपुरे व रेशम टिपणीस यांचे प्रेमाचे संवाद सुरू झाले. काहीवेळानंतर दोघांमध्ये सुरू असलेला संवाद अश्लीलतेकडे गेला. पुढे राजेश शृंगारपुरेने रेशम टिपणीसला आलिंगन देऊन आम्ही आजपासून एकाच बिछान्यात झोपणार आहोत असे इतरांना सांगितले. पुढे हे दोघे एकमेकांशी शारीरिक अंगलट करू लागले. 

तक्रारीत पुढे म्हटले की, वास्तविक हे दोन्ही कलाकार विवाहित आहेत. त्यांना मुले असून, त्यांचा परिवार आहे. मात्र अशातही विवाहबाह्य संबंधांना खतपाणी घालण्याचे दृश्य दाखविण्याचे कृत्य वाहिनीद्वारे केले गेले. सदर कार्यक्रम माझे सर्व कुटुंबीय पाहत असताना वरील दोन्ही कलाकारांमध्ये सुरू असलेल्या व वाहिनीने प्रसिद्ध केलेल्या अशोभनीय व अश्लील प्रसारणामुळे अतिशय लज्जास्पद भावना निर्माण झाल्या. अशाप्रकारची दृश्य आपल्या संस्कृतीला काळीमा फासणाऱ्या असून, संबंधितांवर याबाबत कारवाई व्हायलाच हवी. वाहिनीचे सर्व संचालक, राजेश शृंगारपुरे, रेशम टिपणीस, शोचे निर्माते यांच्यासह सर्व ज्ञात- अज्ञाताविरोधात माहिती व तंत्रज्ञान कायद्याच्या कलम ६७ व ६७ अ अंतर्गत गुन्हे दाखल करावेत, अशी मागणीही या निवेदनाद्वारे केली आहे.