तोतया पोलिसांना पकडले

मुंबई-नाशिक महामार्गावरील माणकोली चौकात पानपट्टीवाल्यास पोलीस असल्याचे सांगून २००० रुपये घेणाऱ्या दोघांना पोलिसांनी अटक केली आहे.

भिवंडी : मुंबई-नाशिक महामार्गावरील माणकोली चौकात पानपट्टीवाल्यास पोलीस असल्याचे सांगून २००० रुपये घेणाऱ्या दोघांना पोलिसांनी अटक केली आहे.
माणकोली येथील महेंद्र तिवारी याच्या पानपट्टीवर रविवारी रात्री साडेआठ वाजता शक्ती बादल साठा व सचिन कृष्णा सोनावणे हे दोघे आले. त्यांनी ठाणे महानगरपालिकेचे ओळखपत्र दाखवत पोलीस असल्याची बतावणी केली. तसेच तिवारी याच्याकडून १५ हजार रुपयांची मागणी करून २ हजार रुपये घेतले. या प्रकरणी शहानिशा केली असता ते तोतया पोलीस असल्याचे समजल्याने त्यांना पोलिसांच्या ताब्यात दिले. पोलिसांनी त्यांना अटक करून त्यांच्याकडील दोन हजार रुपये जप्त केले.