घाटकोपर विमान दुर्घटना, सीबीआय, नागरी हवाई वाहतूक मंत्रालयाला नोटीस

घाटकोपर विमान दुर्घटनेची सीबीआय चौकशी करण्यात यावी, अशी मागणी करणारी जनहित याचिका उच्च न्यायालयात दाखल आहे.

मुंबई : घाटकोपर विमान दुर्घटनेची सीबीआय चौकशी करण्यात यावी, अशी मागणी करणारी जनहित याचिका उच्च न्यायालयात दाखल आहे. त्यावरील सुनावणीत उच्च न्यायालयाने सीबीआय व नागरी हवाई वाहतूक मंत्रालयाला मंगळवारी नोटीस बजावली.
न्या. रणजीत मोरे व न्या. अनुजा प्रभुदेसाई यांनी सीबीआय, हवाई वाहतूक मंत्रालयाला उत्तर देण्यासाठी चार आठवड्यांची मुदत दिली आहे. २८ जूनला यूव्ही एव्हिएशनच्या किंग एअर-९० या एअरक्राफ्टचा अपघात होऊन ते घाटकोपर येथे कोसळले. यात एअरक्राफ्टमधील चार कर्मचारी व एका पादचाऱ्याचा मृत्यू झाला. या प्रकरणाचा तपास सीबीआयने करावा, अशी मागणी व्यवसायाने वकील असलेले यशवंत शेणॉय यांनी याचिकेद्वारे केली आहे.