मुंबईत राहणार ढगाळ वातावरण

केरळमध्ये २९ मे रोजी मान्सून दाखल होईल, असा अंदाज हवामान खात्याने वर्तविला असतानाच शनिवारसह रविवारी मुंबईमधील वातावरण ढगाळ राहील.

मुंबई : केरळमध्ये २९ मे रोजी मान्सून दाखल होईल, असा अंदाज हवामान खात्याने वर्तविला असतानाच शनिवारसह रविवारी मुंबईमधील वातावरण ढगाळ राहील. कमाल आणि किमान तापमान अनुक्रमे ३५, २८ अंशांच्या आसपास राहील, असा अंदाज भारतीय हवामानशास्त्र विभागाने वर्तवला आहे. तर १९ ते २० मे दरम्यान विदर्भात उष्णतेची तीव्र लाट येईल. १९ मे रोजी कोकण-गोवा, मध्य महाराष्ट्रात तुरळक ठिकाणी मेघगर्जनेसह पाऊस पडेल.