मुंबईत पहाटेपासूनच कोसळधारा, 'एक्सप्रेस वे'वर वाहनांची भली मोठी रांग

1 / 9

मुंबईत ९ जून रोजी झालेल्या अतिवृष्टीनंतर पुढील तीन दिवस हवामान विभागाने मुंबई, ठाण्यासह कोकणात रेड अलर्ट जाहीर केला. त्यानंतर रविवारी त्यात बदल करून ‘ऑरेंज अलर्ट’ देण्यात आला.

2 / 9

मुंबई, कोकणातील बहुतांश ठिकाणी पाऊस न झाल्याने हा अलर्ट नागरिकांसाठी होता की पावसासाठी, अशी गमतीदार चर्चा नागरिकांमध्ये रंगली होती.

3 / 9

बुधवारी सकाळपासूनच पावसाला सुरुवात झाली असून मोठ्या पावसामुळे रस्त्यावर आणि सखल भागातही पाणी साचलंय.

4 / 9

रविवारी काही ठिकाणी मध्यम स्वरूपाचा पाऊस झाला. आता, हवामान विभागाने सिंधुदुर्ग, रत्नागिरी जिल्ह्यांत ‘रेड ॲलर्ट’ दिला असून, तुरळक ठिकाणी अतिवृष्टी होण्याचा इशारा रविवारी दिला.

5 / 9

मुंबई शहर आणि उपनगरात मुसळधार ते अति मुसळधार पाऊस पडेल, असा इशारा होता. मात्र, पावसाचे ढग दिसलेच नाही, आज सकाळीच मुसळधार पावसाला सुरुवात झाली.

6 / 9

सकाळीच कोसळलेल्या पावसामुळे मुंबईसह उपनगरातील विविध भागात पाणी साचले असून शहरातील ट्रॅफिकही जाम झाले आहे.

7 / 9

मुंबईसह एक्सप्रेस वेस्टर्न हायवेवरही मोठ्या प्रमाणात वाहनांच्या रांगाच रांगा लागल्याचं पाहायला मिळालं. सकाळपासूनच वाहनांची मोठी गर्दी झाल्याने काहीकाळ चक्का जाम झाला आहे.

8 / 9

शहरासह उपनगरातही पावसाचे आगमन झाल्याने चाकरमान्यांनी पावसात भिजतच मार्गक्रमण करायला सुरुवात केली आहे

9 / 9

मुंबई शहरात 28.55 मिमि पावसाची नोंद झाली असून पूर्व आणि पश्चिम उपनगरात सरासरी 18 मिमि पावसाची नोंद झाली आहे.