प्रेयसीवर हल्ला करुन तरुणाने स्वत:ला संपविले

कांदिवली (प.) येथील रामचंद्र पडळकर चाळीत 28 वर्षीय पीडित विवाहित महिला दोन मुलांसमवेत राहते. याच चाळीत जितेंद्र  पाटील (32) या अविवाहित तरुणाशी तिचे प्रेमसंबंध होते. कॅमेरामन म्हणून काम करणारा जितेंद्र शुक्रवारी सायंकाळी तिच्या घरी गेला. सोबत आणलेला फरशी कटर इलेक्ट्रिक प्लगला जोडून त्याने तिच्या डोक्यासह हातावर व पोटावर चालवला. त्यात ती गंभीर जखमी झाली. तिने आरडाओरड केल्यानंतर जितेंद्रने भीतीपोटी स्वत:वरच कटर चालवला. यात त्याचा मृत्यू झाला. पीडितेची प्रकृती गंभीर आहे. (प्रतिनिधी)