मुंबईच्या गोरेगाव येथे एका रहिवासी इमारतीच्या लिफ्टमध्ये भयंकर घटना घडली. बर्थ डे पार्टीसाठी वापरण्यात येणारे गॅस फुगे एक फुगे विक्रेता लिफ्टमधून घेऊन जात असताना अचानक भयंकर स्फोट झाला आणि लिफ्टमधले तीन जण जखमी झाले. या घटनेचं सीसीटीव्ही फुटेज देखील समोर आलं आहे.
सीसीटीव्ही फुटेजमधील दृश्यांनुसार एक तरुणी एका लिफ्टमध्ये शिरताना दिसते. जिच्या हातात एक सुटकेस आहे. तिच्यामागोमाग एक फुगे विक्रेता गॅसनं भरलेले फुगे एका भल्यामोठ्या पिशवीतून घेऊन आत येतो. त्यापाठोपाठ आणखी एक मुलगा लिफ्टमध्ये येतो. लिफ्टचा दरवाजा बंद होणार तितक्यात मोठा स्फोट होतो. ज्यात लिफ्टमधले हे तिघंही जण जखमी झालेले दिसतात. तिघंही लिफ्टमधून बाहेर आले. तरुणीच्या हातात असलेली सुटकेस लिफ्टमध्ये तशीच राहते. सुटकेसचं बाहेरील आवरणही वितळलेलं पाहायला मिळतंय यावरुन स्फोटाची दाहकता लक्षात येते.
घटनेचं सीसीटीव्ही फुटेज...
समोर आलेल्या माहितीनुसार या घटनेनंतर गोरेगाव पोलिसांनी गॅस फुगे विक्रेत्यावर गुन्हा दाखल केला आहे. तसंच अशाप्रकारे इतक्या मोठ्या प्रमाणात गॅस फुगे घेऊन प्रवास करणं किती धोकादायक ठरू शकतं याचं हे उदाहरण म्हणता येईल.
Web Summary : A gas balloon explosion in a Goregaon building lift injured three people. CCTV footage shows a balloon vendor entering the lift with gas-filled balloons when a sudden blast occurred. The impact melted a suitcase, highlighting the explosion's intensity. Police have registered a case against the balloon vendor.
Web Summary : गोरेगांव की एक इमारत की लिफ्ट में गैस गुब्बारों में विस्फोट होने से तीन लोग घायल हो गए। सीसीटीवी फुटेज में एक गुब्बारे विक्रेता गैस से भरे गुब्बारों के साथ लिफ्ट में प्रवेश करता है, तभी अचानक विस्फोट हो जाता है। विस्फोट की तीव्रता से एक सूटकेस पिघल गया। पुलिस ने गुब्बारे विक्रेता के खिलाफ मामला दर्ज किया है।