गांभीर्य हरवलेला विनोदीपट..!

>मराठी चित्रपट एकीकडे आकाशाला गवसणी घालण्यास निघाला असताना दुसरीकडे त्याला विरोधाभास ठरावा असेही काही घडताना दिसते. विशेषत: एखाद्या चित्रपटाकडून खूप अपेक्षा असतानाही तो अपेक्षापूर्तीच्या जवळपासही पोहोचू नये, याचे दु:ख सहजासहजी हलके होत नाही. सध्याच्या सामाजिक चित्रपटांच्या लाटेत करमणूक करणा:या चित्रपटांची गरज होतीच आणि त्या दृष्टिकोनातून ‘आंधळी कोशिंबीर’ या चित्रपटाकडे पाहिले असे होते. परंतु आघाडीच्या कलावंतांना घेऊनही ही कोशिंबीर म्हणावी तेवढी चटकदार झालेली नाही. या कोशिंबिरीच्या मूळ साहित्यातच भेसळ झाल्याने तिची कृती चवदार होता होता राहिली आहे.