मुंबई : राज्यात कोरोनाचे संकट गडद होत चालले आहे. या लॉकडाऊनच्या काळात पोलिसांना मार्गदर्शन करण्यासाठी अधिकाऱ्यांची गरज आहे. अशावेळीच राज्यातील चार पोलीस अधिकाऱ्यांची बदली करण्यात आली आहे.
मुंबई शहर परिमंडळ ७ चे पोलीस उपायुक्त अखिलेश कुमार यांची बदली अहमदनगरच्या पोलीस अधीक्षकपदावर करण्यात आली आहे. तर सहायक पोलीस महानिरिक्षक असलेले अभिषेक त्रिमुखे यांची बदली परिमंडळ ९ चे पोलीस उपायुक्त म्हणून करण्यात आली आहे. तर परिमंडळ ९ चे पोलीस उपायुक्त परमजित दहीया यांची बदली मुंबई शहर परिमंडळ ७ चे पोलीस उपायुक्त या पदावर करण्यात आली आहे.
आज सायंकाळी या अधिकाऱ्यांच्या बदल्यांचे आदेश निघाले असून पोलीस आयुक्त परमबीर सिंह आणि राज्याचे उपसचिव कैलास गायकवाड यांच्या सह्या आहेत.