मुंबई : सहकारी गृहनिर्माण संस्थेच्या कार्यकाळात कोणत्याही वेळी निवडून आलेल्या सदस्यांची संख्या मंजूर संख्येच्या दोन तृतीयांशपेक्षा कमी झाली तर त्यांची व्यवस्थापन समिती आपोआप अवैध ठरते. ही आवश्यकता विधिमंडळाने जाणीवपूर्वक घेतलेल्या निर्णयाचे प्रतिबिंब आहे, असे उच्च न्यायालयाचे न्या. अमित बोरकर यांनी जोगेश्वरीच्या स्प्लेंडर कॉम्प्लेक्स सहकारी गृहनिर्माण संस्थेशी संबंधित वादात सहकारी अपील न्यायालयाचा आदेश कायम ठेवताना म्हटले.
सोसायटीचे सदस्य सुधीर अग्रवाल यांनी २०२२-२०२७ च्या कार्यकाळासाठी निवडून आलेल्या व्यवस्थापकीय समितीची वैधता संपुष्टात आल्याचे जाहीर करण्याची मागणी करत सहकार न्यायालयात धाव घेतली. अग्रवाल यांच्या म्हणण्यानुसार, ४ ऑगस्ट २०२४ रोजी सात सदस्यांनी राजीनामा दिला. त्यामुळे समितीची संख्या १० झाली. मंजूर सदस्य १९ आहेत. समितीवर १३ सदस्य असणे आवश्यक आहे. मात्र, त्याहीपेक्षा कमी सदस्य राहिल्याने व्यवस्थापकीय समितीची वैधता संपुष्टात आणावी.
याचिका फेटाळली न्या. बोरकर यांनी याचिका फेटाळली.
‘कलम १५४ब-१९ मध्ये वैध समितीसाठी आवश्यक असलेली मंजूर संख्या आणि निवडून आलेल्या सदस्यांची किमान संख्या दोन्ही निश्चित केली आहे.
ही आवश्यकता समितीच्या संपूर्ण कार्यकाळात आवश्यक असते. जर निवडून आलेल्या सदस्यांची संख्या कोणत्याही वेळी या मर्यादेपेक्षा कमी झाली तर समितीची वैधता संपुष्टात येते,’ असे निरीक्षण न्यायालयाने नोंदवले.
दोन तृतीयांशपेक्षा जास्त मर्यादा निश्चित करून, कायदेमंडळाचा हेतू सोसायट्यांना सर्वसाधारण सभेच्या प्रभावी नियंत्रणाखाली राहतील, याची खात्री करणे होता, असे न्यायालयाने म्हटले.
Web Summary : A housing society committee becomes invalid if member numbers drop below two-thirds of the approved strength during its term, the High Court ruled, upholding a cooperative court order in a Jogeshwari society dispute. This ensures effective general body control.
Web Summary : उच्च न्यायालय ने कहा कि कार्यकाल के दौरान सदस्यों की संख्या दो-तिहाई से कम होने पर हाउसिंग सोसाइटी समिति अवैध हो जाती है। अदालत ने जोगेश्वरी सोसायटी विवाद में सहकारी न्यायालय के आदेश को बरकरार रखा। इससे आम सभा का प्रभावी नियंत्रण सुनिश्चित होता है।