जेटच्या विमानात तांत्रिक बिघाड

राष्ट्रीय विमानतळावरून कोलकात्याकडे उड्डाण घेणाऱ्या जेट एअरवेजच्या विमानात झालेल्या तांत्रिक बिघाडाचा प्रवाशांना फटका बसला

मुंबई : राष्ट्रीय विमानतळावरून कोलकात्याकडे उड्डाण घेणाऱ्या जेट एअरवेजच्या विमानात झालेल्या तांत्रिक बिघाडाचा प्रवाशांना फटका बसला. जेट एअरवेजचे ९ डब्लू ६१५ हे विमान बुधवारी सकाळी मुंबईहून कोलकात्याकडे उड्डाण घेणार होते. परंतु ऐनवेळी विमानात तांत्रिक बिघाड झाला.
काही वेळाने हा तांत्रिक बिघाड दुरुस्त करण्यात आल्यानंतर विमानाने कोलकात्याकडे उड्डाण घेतले, अशी माहिती जेट एअरवेजच्या प्रवक्त्याने दिली. मंगळवारीही ९ डब्लू ४१६ हे विमान जयपूरला जाणार होते. बिघाडामुळे या उड्डाणालाही चार तास विलंब झाला होता. (प्रतिनिधी)