मुंबई - शहरात रात्री ०८:०२ वाजताच्या सुमारास मालाड, परमार हाऊस इंडस्ट्रीयल इस्टेट, मालेदारवाडी, काचपाडा येथे गाळ्याला (तळ+३ मजली) आग लागली होती. त्यानंतर तात्काळ अग्निशमन दलाला पाचारण करण्यात आले. सदरची आग लेवल ३ ची असल्याची माहिती विभागाकडून देण्यात आली आहे. आग आटोक्यात आणण्यात अग्निशमन विभागाला संपूर्ण यश आले.
सदर घटनास्थळी मुंबई अग्नीशमन केंद्राचे ४-फा. वा., १-वॉटर टँकर, ४ जम्बो वॉटर टँकर, १ रेस्क्यू वाहन, २ रुग्णवाहिका उपस्थित झाल्या होत्या. या आगीच्या घटनेत कोणालाही दुखापत झाली नसल्याचे माहिती मुंबई आपत्ती व्यवस्थापन कक्षातून देण्यात आली आहे.