विमानतळावरील सेवा पुरवठादार कर्मचाऱ्यांना ८,९०० रुपये पगारवाढ

छत्रपती शिवाजी महाराज आंतरराष्ट्रीय विमानतळावर विविध सेवा पुरवणाऱ्या सेवा पुरवठादार कर्मचाऱ्यांना वेतनवाढ व इतर सुविधा वाढवणारा करार नुकताच करण्यात आला.

मुंबई : छत्रपती शिवाजी महाराज आंतरराष्ट्रीय विमानतळावर विविध सेवा पुरवणाऱ्या सेवा पुरवठादार कर्मचाऱ्यांना वेतनवाढ व इतर सुविधा वाढवणारा करार नुकताच करण्यात आला. या करारानुसार कर्मचाºयांना पुढील ३ वर्षांसाठी ४,५०० रुपये ते ८,९०० रुपयांपर्यंत वेतनवाढ मिळेल. याशिवाय डीए व १ लाख रुपयांचा वैद्यकीय विमाही मिळणार आहे.भारतीय कामगार सेनेचे अध्यक्ष सूर्यकांत महाडिक, उपाध्यक्ष अजित साळवी यांच्या मार्गदर्शनाखाली चिटणीस संजय कदम व संतोष कदम यांनी पगारवाढीसंदर्भात कंपन्यांसोबत करार केला आहे. त्यानुसार क्रिस्टल एव्हिएशन सर्व्हिस प्रा. लि. व प्रथमेश टेक्नो वर्क फोर्स या दोन कंपन्यांमधील कर्मचाºयांना या कराराचा लाभ मिळेल. या पगारवाढीमुळे कर्मचाºयांचा पगार दरमहा १८ हजार ते ३० हजार रुपयांपर्यंत वाढणार आहे.