पावसाने हुकलेली परीक्षा २३ जुलैला

मागच्या महिन्यात आणि जुलैमध्ये दोन ते तीन वेळा झालेल्या अतिवृष्टीमुळे अनेक विद्यार्थ्यांना विद्यापीठातील आपल्या परीक्षांना मुकावे लागले होते. त्यांची परीक्षा २३ जुलैला होईल.

मुंबई : मागच्या महिन्यात आणि जुलैमध्ये दोन ते तीन वेळा झालेल्या अतिवृष्टीमुळे अनेक विद्यार्थ्यांना विद्यापीठातील आपल्या परीक्षांना मुकावे लागले होते. त्यांची परीक्षा २३ जुलैला होईल.
अतिवृष्टीमुळे परीक्षा केंद्रांवर काही विद्यार्थी वेळेत तर काही विद्यार्थी पोहोचूच शकले नव्हते. त्यांची परीक्षा नंतर घेण्यात येईल, असे विद्यापीठाने जाहीर केले होते. त्यानुसार, परीक्षेचे वेळापत्रक विद्यापीठाने जाहीर केले असून, या परीक्षा २३ जुलै रोजी आयोजित करण्यात आल्या आहेत. २५ जून, ३ जुलै आणि ९ जुलै रोजी परीक्षा हुकलेल्या विद्यार्थ्यांसाठी ही परीक्षा असणार आहे.
या परीक्षांमध्ये एमएससी, एमए, एमकॉम या अभ्यासक्रमाच्या विषयांसोबत एलएलबी सेमिस्टर एक आणि पाचच्या तीन विषयांचाही समावेश आहे.