खड्डय़ांत गेला पूल

उरणमधील जेएनपीटी बंदर म्हणजे नाव मोठे आणि लक्षण खोटे असेच असल्याचे अनेक प्रकरणांवरून समोर येत आहे. मात्र प्रशासन भौतिक सेवा-सुविधांबाबत फारसे गंभीर नसल्याने गेल्या काही वर्षात बंदरातील बराचसा व्यवसाय गुजरातकडे वळत आहे. या सुविधांपैकी दळणवळणाच्या अतिशय महत्त्वाच्या सुविधेकडे बंदराच्या प्रशासनाचा कानाडोळा होत आहे. बंदराचा व्यवसाय उभारणीच्या वेळेच्या अनुषंगाने सुमारे 2क्क् ते 3क्क् टक्क्यांनी वाढला असताना स्थानिकांसाठी साधे सव्र्हिस रस्तेही तयार करण्यात आलेले नाहीत. 25 वर्षापूर्वी बांधण्यात आलेला करळचा रेल्वेपूल हा केवळ 2क् टनांच्या कंटेनर ट्रेलरच्या वाहतुकीसाठी बांधण्यात आला होता. आता त्याच पुलावरून 4क् टनांचे कंटेनर ट्रेलर चालत असल्याने हा पूलच खिळखिळा बनला आहे. त्यातच अवघ्या 19 कोटी रूपयांना बांधण्यात आलेल्या या पुलाच्या दुरूस्तीवर जेएनपीटीने आतार्पयत 55 कोटींपेक्षा जास्त रक्कम खर्च केल्यावरही या पुलावरचे खड्डे जैसे थे असल्याचा अनुभव या रस्त्याने प्रवास करणा:या प्रवाशांना येत आहे.

जेएनपीटी बंदरात अवजड वाहनांची वाहतूक होत असल्याने कामाचा दर्जा सुधारण्याची तसेच सिमेंट काँक्रीटीकरणाची गरज आहे. मात्र त्याकडे संबंधित प्रशासनाचे दुर्लक्ष होत आहे. तर अधिकारी लोखंडे यांनी पुलाच्या दुरूस्तीच्या कामाबाबत वॉरंटी घेतलेली असल्याचे हे खड्डे लवकरात लवकर बुजविण्यात येणार असल्याचे त्यांनी सांगितले. 

(वार्ताहर)