पार्टीची वेळ अन् जागाच चुकली

‘लोकमत’मध्ये यासंबंधीचे वृत्त प्रसिद्ध होताच अनेक राजकीय पदाधिका:यांनी पार्टीबाबत नाराजी व्यक्त केली.  अंबरनाथकर पाण्यासाठी तहानलेले असताना दुसरीकडे शिवसेनेचा हा विजयी ‘ओला’ जल्लोष मात्र  चर्चेचा विषय ठरला आहे. संस्कृती जपणारी शिवसेना या पार्टीनिमित्त असंस्कृत कशी झाली, असा सवाल खुद्द काही शिवसैनिकांनी उपस्थित केला आहे.  या पार्टीच्या वृत्तानंतर काही शिवसैनिकांनीच या पार्टीसंदर्भात अधिक माहिती दिली. स्नेहभोजनाचा कार्यक्रम हा 8 वाजता सुरू झाला होता. सुरुवातीला जे पंगतीला होते त्यांना चांगल्या पद्धतीने जेवण मिळाले. मात्र दारू पिणा:यांचा टेबल रंगल्यावर जेवणाचा गोंधळ उडाला. न पाहिलेले असंख्य कार्यकर्तेही आल्याने ही गर्दी अनावर झाली.  ही पार्टी एवढी रंगली की मूळ सत्काराचा कार्यक्रम 12 वाजता  उरकला. त्यानंतरही ठाण्याचे खासदार  येणार असल्याने पुन्हा बडे पदाधिकारी त्यांची वाट पाहत बसल्याने रात्री 2.3क् वाजता पार्टी आटोपली.